Gathering

我聽日就飛返香港，過半月至返o黎，我姑仔問阿姐會唔會返o黎，問我好唔好出o黎同我哋食餐飯，我答佢話阿姐會返o黎，出o黎食飯當然無問題，最好笑係，我姑仔係Wechat 度“吹雞”，問有無人想出o黎同我食飯喎，仔仔爸都係諗住自己煮，唔出去食

阿姐星期五一放工就揸車趕返o黎一齊食晚飯，Chewy 仲係驚阿姐，不過又要去睇佢阿娘

都係奇哥仔最乖，阿姐一返o黎就去黐阿姐

Chewy 見我係房，入o黎搵我玩，為咗玩，又唔怕佢阿娘，阿姐話佢個女肥晒，個蘿柚圓碌碌呢

一唔玩，又保持距離了

到星期六，姑仔帶咗表妹o黎，叔仔又帶表妹o黎，最後咁啱大伯係唐人街附近，call埋佢上o黎一齊食飯

Bubble 阿娘同貓地影嘅相

開飯了

食完飯又傾吓計，隻Marble 仔走上梳化黐住我叔仔，表妹見Marble 仔伸咗條脷仔出o黎，仲狂笑佢

今朝我又執吓啲行李，天師仔又o黎搞搞震

尋日最後一日返工，即係最後一日餵公司外面啲貓，見隔離公司比咗啲好似貓撈魚肉的東西，放係度比貓食，所以開咗罐頭比佢哋

灰貓驚黑貓唔比佢食

終於一齊食

見最後一日，又要去幫貓地入貓砂、貓糧，例牌先去睇貓，今日只得四隻，又唔見會埋o黎討摸隻黑貓

泊好車先去Food court 食晚餐，再加多個臭豆腐

入完貨，見有啲塞車，仔仔爸行local，唔行highway，見啱啱又買咗貓罐頭，順便兜番去我公司度餵貓

比我見番一排無見嗰隻黑貓呀(最右面嗰隻)，好開心呀

見到車底仲有隻黑白貓，好驚人，唔敢出o黎

呢隻黑貓同灰貓都鍾意用手“了”啲罐頭出o黎食 

因為見番黑貓好開心呀，呢篇Blog一定要寫完至瞓，聽日就飛，我除咗會掛住家中五寶，仲會掛住公司外呢三隻貓貓的

全部都係貓

又講講我公司外面啲流浪貓先

上個星期某日灰貓貓係我office 出面昅入o黎呢

由上個星期二開始，已經唔見另一隻黑貓，而黑貓同灰貓都開始認得我

仲開始比我摸了

連續幾日都見黑貓係度等

一叫佢哋就會跟住我，我依家會放食物去車底，因為呢架車唔會駛走，係車底又無咁曬

餵埋聽日最後一日，因為星期一我會返香港個半月

上個星期六，敏姐call 我，話佢又暈又嘔，所以入咗醫院，叫我幫佢餵屋村貓

連續兩日都見三色貓係度等敏姐o黎餵

再餵多兩日，無見三色貓係度等，見到佢係隔離，可能佢掛住敏姐呢

上個星期日同尋日我去咗連鎖大型寵物用品店幫貓地入貨，呢間連鎖大型寵物用品店裡面有貓貓領養的

瞓到咁樣樣😄😄

呢兩隻黑貓好似我家天師仔同Charco仔呢

早幾日我係facebook見到呢盞燈好得意，就send 比阿姐睇

之後阿姐覆我話佢兩日前已經order 咗，我諗住佢買o黎放新屋，原來佢買o黎送比我的

真係好得意，實物原來好細盞的，好鬼cute