玩Da Bee

隻Da Bee係我返香港嗰陣，去流浪貓屋領養日時捐錢買的，但到依家至攞出o黎俾佢哋玩

天師仔出o黎睇吓，又走番入房度昅Charco仔玩

俾天師仔玩

佢哋都肯玩，但唔會玩得太激囉

Charco仔在私竇

Charco仔係佢個私竇度hea，(只有佢自己會上去，天師仔係唔會走上去)，所以呢個係佢o既私竇

佢伸晒手係度做咩呢

唔通係度發儍

仔仔爸都唔抵得走去撩吓佢

厠所所長

天師仔唔知點解，成日都好鍾意走入厠所，佢好鍾意坐或者伏係厠所地下啲毛巾度

每朝我哋起床入厠所洗臉刷牙，佢又會跟埋入去，想要人摸摸

最初入門時，佢就最鍾意跳入浴缸，匿係浴簾後，同我哋玩手手

我咪講過，佢每晚半夜都會o黎踩醒我，提醒我去痾夜屎，仲會陪住我去pee pee，有一晚，大約四點幾，佢陪我去pee pee o既時候，佢跳上個洗手盤度，初頭佢企係盤邊，用個頭仔high我個額頭，後來見佢跳埋入去個洗手盤度，佢先用手抓抓個洗手盤，我初時以為佢想係個洗手盤 度pee pee，後來佢直頭瞓晒落個洗手盤度，咁我去完厠所唔理佢就走，佢一見我走，佢就跳返出o黎，跟住我，我就去陪佢食乾糧，之後我就返房瞓，到差不多六點， 仔仔爸起床，一入到厠所，一開燈，嚇咗佢一跳，佢就係見到天師仔瞓咗係個洗手盤度，仔仔爸就即刻攞相機影低佢

佢唔係只有半夜至會瞓洗手盤，平時佢有時都會咁做，咁阿姐又未見過，我一見到就叫阿姐o黎睇

佢依家唔鍾意玩浴簾，佢近排鍾意跳入個浴缸度，玩抓浴缸

正一儍豬豬o黎

我覺得佢坐係啲毛巾度，啲毛巾有時又濕、又污糟，所以我放咗張毛毡係厠所門口，等佢唔好成日走入厠所坐毛巾

有時Charco仔唔執輸又o黎坐吓

有時就好friend，齊齊share

但有時坐得好地地又會打吓交

同場加影天師仔如厠o既騎呢姿勢