母親節時

到星期六朝早，呢朝阿姐好早就醒咗，係屋企食完早餐，阿姐幫我部電腦掃毒，見到Chewy 主動跳上佢大髀討摸，我平時坐係電腦前，Chewy 都甚少會坐我大髀

Charco 仔同奇哥繼續係阿姐床度瞓覺，Charco 仔仍然瞓住阿姐個枕頭

差唔多到中午，就同阿姐去食上海嘢，阿姐好耐都無食過小籠包

食完Lunch 陪阿姐去某間西超買嘢，係附近又遇到舖頭貓，店主話佢兩歲

呢日唔知點解超熱，成華氐80度，買完想要嘅嘢，都唔想再週圍去，之後去攞蛋糕， 餅店隔離就係Batman 間藥房，見到Batman 瞓咗

返到屋企，見Charco 仔仲係喺阿姐個枕頭度瞓緊，Chewy 又去搵佢阿娘

今次Chewy 成日去黐阿娘，證明佢越嚟越唔驚佢阿娘，真係冧屎阿姐

呢晚我姑仔請食飯，慶祝M 表妹畢業，等埋仔仔爸放工，仲有未來女婿嚟到，就出發去食飯，食完飯，阿姐就直接跟男友仔一齊返屋企，返到屋企，又send 張報平安相，呢次係Macy 做代表

因為要去M 表妹個畢業禮，阿姐要返嚟一趟，所以母親節嗰個星期就無謂返嚟，不過母親節當日，仔仔爸叫咗敏姐上嚟食晚飯，用佢部手機影咗貓地啲相，話要畀去咗療養院住個伯伯睇

敏姐話見到天師仔有病，又瘦到皮包骨，佢都覺得好心痛

Chewy 之前見有陌生人嚟已經匿埋咗，後來我哋食緊飯時，佢又敢走出嚟走廊，所以至影到佢相

M表妹畢業禮

上個星期五係阿姐M 表妹大學畢業禮，所以阿姐特登攞假去觀禮，之前一日阿姐收工就搭車返嚟

每次阿姐返嚟，我都攞定阿姐啲用品出嚟，將阿姐個枕頭攞出嚟，Charco 仔就瞓住咗

阿姐返嚟換咗衫，返出嚟梳代坐，奇哥又黐實阿姐

今次Chewy 好快就主動去黐佢阿娘，要阿娘摸摸

Mango 仔無去黐阿姐呢

我好懶，只係炒咗個通菜，買咗幾個外賣餸返嚟，幾個餸都係阿姐自己揀的，我開飯，Mango 仔已經昅住晒

到星期五要一早起身，要自己搭長島火車入Long Island M 表妹間大學，M 表妹讀獸醫，點解佢會揀呢科，睇佢頂畢業帽就知點解，M 表妹仲要去另一間大學讀多四年

行完畢業禮，我哋去唐餐館飲茶，之後去姑仔屋企探貓地 ，阿姐先跟K 表弟、M 表姐返屋企，因為貓地要開餐，怕人嘅Bubble 掛住食，初時見到我都唔驚，只掛住食，係後來我越行越近，佢至驚到走咗

Bobby 仔仲未夠喉

表妹想再倒啲乾糧畀佢，佢已經急不及侍，成隻伸入個桶度食

後來姑仔放Anna 同Bobby 出去露台行吓

Bobby 仔要返入屋

我哋唔可以坐太耐，要趕返屋企餵天師仔，因為搭火車再轉地鐵都要成個鐘頭，返到唐人街經過藥房，見到Batman 係裡面，同阿姐入去同佢玩，Batman 其實都幾嗲

阿姐返到屋企，Mango 仔就黐實佢

Chewy 又去陪住阿娘

到阿姐返房瞓覺，個枕頭又畀Charco 仔霸住

待續…