但朝早佢又忍唔住出嚟等早餐
夜晚佢又會嘗試出嚟週圍八,會飲水機啲水
有時我又氹到佢出嚟黐吓我
但日抖,佢都係鍾意留係房度,有嘗試連貓帶貓床抱佢去梳化陪我,但佢好快又走番入房
開始攞走房裡面個貓厠所,等佢自己出嚟去大小便,佢始終都係鍾意留係房多啲,我入房陪佢佢又好開心咁黐實我
佢開始每朝走出嚟等早餐,畀佢試吓出嚟食
平時佢唔敢出廳時,佢好鍾意呢舊芝士貓抓柱
有一晚我入房瞓時見佢瞓咗入舊芝士度,仲以為佢會係度瞓,點知我上咗床無耐,佢就走上床黐住我瞓
日抖佢都係鍾意匿係房瞓多啲,我都試過幾次引佢去陪我,但佢都好快走番入房
又早幾日前開始,佢係我哋食晚飯嘅時候,就主動走出嚟
佢嗅到啲玩具有貓草味,佢high high 地
佢個傷口應該已經唔再痛,所以佢依家每朝keep 住肯出嚟等早餐,我哋食晚飯時,佢又keep 住出嚟行吓
打算下個星期一開始,撤走埋房裡面個糧食兜,等佢出嚟食乾糧同飲水