三腳貓Nori

阿姐服侍完嗰3 隻貓，接住就要服侍另一隻貓，佢係一隻只有三隻腳嘅黑貓，佢叫Nori

上門攞鎖匙當日，Nori 好怕羞，阿B 想爬入床底搵佢玩

會湊三日，但隔日先去，第一日開工

阿姐話畀阿B 知貓貓係邊度

阿B 離遠拋啲零食畀Nori，阿B 想爬去執番啲拋得唔遠嗰啲零食，但嚇親Nori

咁阿B 就去玩人哋啲玩具

第二次去服侍Nori，佢係右手無咗前肢

最後一日去服侍Nori，Nori 仍然好驚人

阿B 話幫飼主收好咗啲包裹

阿B 妳要放多啲貓糧畀Nori 至得呢

以前啲人成日話黑貓係唔吉利，但依家啲人都已經無晒呢種思想，所以真係多咗好多人養黑貓，見呢排阿姐所接嘅job，好多都有黑貓，其實黑貓真係好型、好靚、好正㗎，真正愛貓之人，咩顏色、品種都唔會介意，仲好似呢家人咁，會連有缺陷嘅貓都好包容

後yard 變咗遊樂場

某日阿姐見網上有人唔要個呢個鞦韆滑梯玩具，所以就聯絡物主，去人家度攞

去到人哋屋企，人家都仲未拆到出嚟，而且發覺架車根本都裝唔落，女婿就自己揸車返屋企換揸部公司車嚟攞，阿B 係人家屋企玩住人哋啲玩具，等爹哋返嚟

第二朝阿B 食咗早餐，等爹哋裝好個鞦韆滑梯架，就出去玩

呢件大玩具仲係好新淨，不過個鞦韆都仲未啱阿B 玩，對佢嚟講都有啲危險

玩完鞦韆滑梯，又有薯片食

某日阿姐成枝脆皮雪條就咁畀阿B 自己食，食到超污糟呢

我返香港嗰陣，去搵阿姐個契爺聚吓，契爺買咗好多玩具畀阿B 玩

阿姐話阿B 好鍾意呢個洋娃娃，會攞住佢週圍走，叫我send 相畀契爺睇

睇Macy 個樣好似唔多鍾意阿B 黐實煩住佢

不過其實Macy 好錫佢，好快又走去陪住阿B 瞓

呢日阿姐整通粉畀阿B 食，阿姐問佢好唔好食，阿B 竟然擰頭，阿姐話可能佢用水沖過啲通粉，因為碗通粉好熱，想碗通粉無咁熱，所以沖淡咗啲味

阿姐話阿B 依家唔鍾意啲嘢會放入個玩具廚櫃度收埋，哈哈

不過最後都肯食

阿B 跳彈床

之前嗰篇提過阿B 一家帶埋嫲嫲去行Fair，個Fair 有大型充氣彈床，阿B 係個充氣彈床度玩得好開心

玩完又有嘢食

仲有雪糕食

其他人又畀，佢究竟食咗幾多雪糕

佢實係玩到好攰，阿姐話佢2 分鐘就瞓著咗

到咗湊完3 貓最後一日，湊完貓買咗order 返屋企食

晚餐就去咗嫲嫲屋企度食

返屋企到睇圖書時間，阿姐畀咗塊Cookie 阿B 食，今次佢好獨食，唔肯請媽咪食，哈哈

阿姐話連續幾日同阿B 玩搵蟲蟲遊戲，呢本書每頁都會出現一條蟲蟲，每次一打開本書，佢就可以指出條蟲蟲係邊