阿B 嚟渡假 — 去食Brunch

每朝睇住呢隻爛瞓豬真係好得意

瞓醒又去搞貓地

阿B 好鍾意Mango 舅父

之前仔仔爸買西裝，交咗畀我姑仔幫手改褲腳、褲頭，點知掃墓嗰日佢唔記攞畀我哋，姑仔好鍾意阿B，見佢哋仲係我屋企，乘機話攞西裝畀我哋，順便見多次阿B，咁就約咗Weekend 一齊食Brunch，不過約到下午至食，除咗姑仔對仔女，阿姐個K 表弟、M表妹，仲叫埋我小嬸個女，阿姐個H 表妹

咁先帶阿B 去公園玩吓先，阿B 有街街去，錫晒媽咪

經過樓下個公園仔，阿B 拍吓我話我知，但我同佢講要去另一個大公園

不過阿姐自己去咗行街街，佢經過Shelter 見到貓貓

我同仔仔爸就係公園陪住阿B 玩

一邊推佢，佢自己一邊叫“Wo wo”

等阿姐行完街返嚟玩多一陣

一齊行去食Brunch 嘅舖頭，阿姐又買珍奶飲，行行吓阿B 又瞓咗

H 表姨畀咗個耳機佢帶 

M 表姨話佢好似呢個卡通人物

食完Brunch 姑仔見未夠鐘去攞車，就一齊行一陣，睇吓嘢，去買朱古力，原本仲想去食甜品，但睇唔啱

後來姑仔計過泊Parking，5 個鐘之後都係咁多錢，仔仔爸話不如係我屋企食埋晚飯至走，仔仔爸即刻去張羅晚餐，又買外賣、炒飯，又買條游水魚返嚟蒸

一返屋企，先同阿B 沖涼洗頭

貓地見到咁多人嚟咗屋企，即刻又匿埋晒

仲有士多啤梨做飯後果

姑婆、啲表姨、表舅父要走喇，阿B 好熱情續一攬攬呢，要到下個月阿姐婚禮至再見面

呢日玩得太開心，阿B 早早就瞓覺，仲有Mango 舅父陪瞓

Mango 仔畀零食佢，佢識做錫錫、畀手手同High five，我教阿B 同Mango 仔玩

阿B 又摷到佢啲朱古力出嚟食，又食到一咀都係朱古力

女婿一早就車揸嚟，不過佢一嚟到，先同阿姐搭subway 去Midtown 行街，我哋又帶阿B 去公園玩

玩到阿姐兩公婆返嚟接佢至走，爹哋都好掛住個女呢

佢哋先去行商場，買Milkshake 飲，又試食人哋啲雪糕

一返到屋企阿B 錫錫Macy 家姐，Macy 家姐都好掛住阿B 呢