阿B 嚟渡假 — 去探BB表妹

原本阿姐一家諗住星期五晚嚟，但女婿個表弟話想跟佢哋車嚟紐約一齊睇展覽，所以星期六至嚟，晨咁早就要摷醒阿B 起身

阿姐先送佢哋去會場先，再嚟我屋企，我哋落樓接佢哋，一入屋，阿B 就嚇走晒啲貓貓

得幾隻貓貓唔驚佢

Hugo 仔初初都會驚陌生人

仔仔爸話既然阿姐同阿B 返咗嚟，不如去阿姐個J 表哥屋企，探吓阿B 個表妹BB，出門口時畀Mango 仔“鼠”咗出門口

J 表哥只係住係隔離條村，好近，我哋慢慢行過去，阿B 係都要揹埋自己個袋去

佢見到BB 表妹好開心，仲鍾意抱BB

我哋買咗Pizza 上去一齊食

之後仔仔爸去買嘢，我就同阿姐阿B 返屋企，記得呢條村間士多裡面有隻貓，走入去搵吓見唔見

我哋唔會咁衰入去剩係搞人哋隻貓，所以都會幫襯吓，就買兩包Chips 至走啦

公公知道阿B 鍾意食生果，已經買定多款生果返嚟畀阿B 食，阿B 記得上次嚟睇“貓貓的奇幻漂流”，今次又要開畀佢睇

公公買完嘢返嚟話帶阿B 落公園玩，咁阿姐見有人湊住阿B，話想去行街shopping，佢需要去買條藍色嘅裙，所以我倆母女一齊去咗行街shopping，返嚟去公園join 埋一齊返屋企，公公又帶過阿B 去超市買零食

返到屋企，等女婿去完個展覽，join 埋佢一齊去附近食燒雞餐

一齊行番屋企

奇哥見到我女婿又要黐到實

呢日其實好炎熱，返到屋企有西瓜食，阿B 依家食咩、做咩都要同人“Cheers”

但我女婿又唔鍾意食西瓜，佢唔係咩生果都鍾意食

第二朝，阿姐陪女婿去搭Subway，女婿繼續去睇佢嘅展覽，阿姐返嚟阿B 都仲未醒，阿姐就打吓機，Mango 仔嚟陪阿姐

Hugo 仔開始唔驚喇

公公買粥粉麵返嚟做Lunch，又整阿B 鍾意嘅粟米畀佢食

間中又有生果食

啲怕羞貓唔係匿係衣櫃，就係匿晒係廚櫃頂

黃昏時，女婿返嚟，阿姐帶埋阿B 落樓送佢爹哋上車返屋企，原先係諗住嚟住兩晚，點知住得嗰一晚，阿姐驚阿B 玩得唔夠“皮”，女婿又肯再揸車嚟接佢哋，所以就住多幾日

呢晚阿B 好畀面，食咗好多我煮嘅餸同飯

夜晚臨瞓同佢爹哋Video Call say good nigh

待續…

Hugo & Carmen

女婿啱啱嚟咗接阿姐同阿B 走，阿B 走咗屋企即刻靜晒，等阿姐返到屋企得閒send 番啲相畀我，先出佢哋啲post，依家報告吓Hugo 仔同Carmen 嘅情況，其實佢兩個入門只相差19 日，Hugo 就唔駛講啦，性格善良，唔太怕人，又愛貓，所以極快適應呢個家

唔知係咪天氣熱，佢鍾意瞓枱面，睇唔睇到，佢嚟咗兩個月，已經重咗，仲開始有肚腩仔

奇哥仍然有啲敵視佢

佢自己玩玩具

至於Carmen，截至今日佢嚟咗1 個月多啲，我哋仍然未摸到佢，亦都唔敢摸佢，怕嚇親佢，將會更加令佢驚咗我哋

仲匿係床褥後面嘅時候

亦多咗出嚟走動

其實佢都係為食嘅，佢好快就開始出嚟等開餐

佢好鍾意跟住Hugo 哥哥

又玩哥哥條尾

玩親Laser Point，一定引到佢

Carmen 都鍾意黐其他貓，黑糖都鍾意佢

呢條片前段係Carmen 想玩黃糖條尾

佢開始少咗匿係床褥後面，多咗係呢個箱度瞓覺

某一日朝，佢跳上嚟呢度睇我開餐

一直我只會睇吓佢，無搞過佢，所以佢依家都無咁驚我

見到佢同Hugo 仔咁sweet，有時我覺得Hugo 仔好似係為咗Carmen 而嚟，都係多得Hugo 仔至令到Carmen 容易適應

不過有時Carmen 走去黐住Hugo 哥哥時，Hugo 仔都會覺得佢煩會避開佢㗎，哈哈