暫託—終結篇

上個星期六，娟姐通知我佢個仔個friend，已經約咗獸醫星期二可以check-up，佢話星期二一早佢會o黎帶走，所以尋日仔仔爸趁送開貨先o黎接我放工，車我去佢貨倉度睇貓貓，佢就交車收工，咁就一齊帶Chocolate一家返屋企

今次個竇就放係個廳，一放低，啲貓b就係個廳周圍走

我哋食晚飯o既時候，困咗Chocolate係厠所食罐罐，咁就放咗Charco仔出o黎行吓，當仔仔離遠見到哋貓b，就fee咗一嘢，跟住係掉頭走，正一無胆貓，之後就跳咗個架頂度昅住啲貓b

可愛o既五小福

尋晚娟姐先攞咗個大籠比我，娟姐話今次先帶Chocolate一家，下次就會係Shadow，我問佢可唔可以帶埋天師走，佢話可以但要遲啲，唔可以一次過攞咁多隻貓，咁都好，雖然要遲啲，但起碼都有機會唔駛再做街貓，希望唔好要佢哋等咁耐

今朝一早娟姐call我攞啲貓比佢，佢成日講：唔捨得呀、唔捨得呀，搞到我都忍唔住想喊，由我從舊年七月開始每晚落街餵佢哋，大半年啦，由驚我直至依家咁信任我，我真係好唔捨得佢哋，佢哋可以擺脫做街貓o既生活，最開心係可以保住五隻咁可愛o既b，雖然以後都無機會再見到佢哋，但佢哋可以有個家，我都戥佢哋開心，我又忍唔住啦

今日收工我都見到天師，佢都仲係好嗲我，佢耳仔旁邊已經結咗疤，因為我之前我同佢搽咗一次藥膏，今日都幫佢搽咗一次，只要佢唔抓就會好快好