香港遊2015 — 一邊行街、一邊咸貓

呢一日無約貓友狗友，阿姐想行西九龍廣塲，因為我想行吓青山道，所以搭港鐵係長沙灣地鐵站落車

差唔多行到宇宙商塲，見有間眼鏡舖門口有兩隻“左右護法”

咁我哋兩母女當然唔會放過咸貓o既機會啦

有街坊行過都撩佢玩呢

原來舖頭裡面仲有一隻，不過比較怕人

後來右邊嗰隻唔知係咪怕咗我哋，走番入舖頭呢，哈哈

跟住我哋就繼續向深水埗出發

桂林街模型舖貓，佢週圍走，好難影

都係桂林街一間好細間賣寵物用品門口見到佢

 欽洲街寵物店貓

大埔道寵物店o既駐場貓狗

行完西九龍中心，去旺角接二嫂放工，搭村巴入屯門市廣塲，阿嫂請我哋去板長食壽司

入屯門o既目的，係去阿嫂屋企，因為佢收養咗朋友隻貴婦狗女，叫Bear Bear

 

佢好黐人，好熱情，仲好為食

阿嫂送我哋落樓搭車，順便帶Bear Bear落街行一陣

遇到其他人放狗

其實臨返美國前，再一次去阿嫂屋企見Bear Bear，我好鍾意佢喔