間中去覓食

其本上我哋一家比較少出街食飯，就算仔仔爸唔想煮時，多數都係去唐人街食唐餐或者買外賣唐餐返o黎食，因為我係一個住係鬼佬國家而唔愛食鬼佬餐o既唐人

咁平時都係食中式早餐，但有時星期日，阿姐又係度，會就仔仔爸去食番個西式早餐，多數會去屋企附近嗰間西餐廳食Brunch

舊年時，見嗰區開咗間“Denny's”，所以係舊年o既感恩節，去咗呢間度試吓

啱啱係香港返咗o黎嗰個禮拜，係香港食得港式茶餐多，所以一返o黎就陪仔仔爸食Brunch，去番之前嗰間，但覺得佢哋啲嘢差咗，所以係阿姐臨放完暑假前，搵咗個星期日，仲約埋姑仔個女、叔仔個女一齊去“蘇豪”嗰邊食Brunch

阿姐上網搵定幾間，上到去泊好車，見到呢間，見無人幫襯，所以我哋都無幫襯，哈哈

再去搵附近嗰間，沿途經過一個公園，仲有街上o既展品

最後我哋去咗呢間，見好旺吓喎

咁到我生日，我同仔仔爸都係去唐人街食餐飯當慶祝，一般都係食上海菜、越南餐、馬拉餐，但今年仔仔爸話想試呢間，都算係fusion菜

白酒煮青口

龍蝦湯

始終我都係要食飯，仲要食日式海膽飯

呢個星期阿姐返咗o黎，開始放一個月o既聖誕新年假

星期三，仔仔爸話唔煮飯去食拉麵，阿姐又即刻search去邊一間食

仔仔爸仲比架車阿姐楂上“蘇豪”，(阿姐年頭至考到車牌)

先去一風堂，但話要等一個鐘，即走

搵過另一間又係要等好耐，所以諗住行去St. Mark嗰邊搵其他嘢食，搵搵吓見到呢間新開小食店(前身係賣章魚小丸子)，見幾得意，仔仔爸話買份combo o黎試吓

樣貌似個漢堡，但面同底個塊係用米飯做的，Combo無得揀其他，係豬肉o黎，個味道似肉餅，個汁好juicy，個飯餅有少少飯焦o既口感，但我唔鍾意食飯焦，因為飯焦會黐牙，其實總捨都係好味的，個湯裡面有三粒好似鯪魚球o既肉丸，唔腥，但我覺得個湯麻麻，啲薯條好食

我哋行到St. Mark，最後都係食拉麵

我覺得個冷麵好食啲

某日阿姐話佢男友仔想上o黎食飯，佢男友掛住Marble仔喎，咁仔仔爸就話不如星期六啦，出去食，仔仔爸想去Midtown睇聖誕怖置同燈飾

基本上Midtown係好難搵位泊車，所以我哋齊齊搭地鐡上34街

一上到34街，見好多路邊流動餐車，我見到啲串燒好想食，仔仔爸話我哋扮遊客要試紐約街邊小食

真係好鬼遊客價錢，呢度要$14.00

先去Macy's睇佢啲窗櫥怖置，34街附近好多韓國餐廳，所以我哋去咗食韓國餐

呢間阿姐之前同啲friend o黎食過，所以帶我哋o黎呢間食

都等咗大約半個鐘，我哋四個人，但仔仔爸話佢個胃唔係幾舒服，唔係幾想食，所以我哋只叫咗三個餐

每個餐包一條煎魚仔，都幾好食，係多碎骨，食時要好小心

六小碟

叫咗個細海鮮薄餅，一上枱就幫我哋分成每人一碟

呢個點海鮮薄餅個醬汁，我覺得好好味喔
 

我點o既海鮮豆腐煲

阿姐點o既石頭碢飯

阿姐男友仔係老番，老番通常都係食肉獸，佢點o既牛仔骨

幾個餐大家一齊share食

食飽飽就行上5大道Rockefeller center 睇聖誕樹同燈飾

咁下一篇再講