阿姐又玩嘢

阿姐話某日見Starbucks 買嘢飲有條ugly sweater cozy 送，就唔執輸買杯嘢飲

攞到返屋企又搵Charco仔o黎玩

Charco仔︰阿姐唔係屋企貓哋好想妳，但妳一返o黎又玩我哋，都唔知愛妳好定嬲妳好

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

再講吓食

唐人街開咗間泰式雪糕店，都開咗一段時間，每次見都大排長龍，前晚出席完大伯女友阿爺o既葬禮，去食“英雄宴”，間食肆就係呢間雪糕店隔離，食完見無咩人排隊，又去買o黎試吓

之後就多咗人o黎排隊，已經要排到出門口

左邊No.4 Oreo味

呢個係No.5 越南咖啡味

為咩杯雪糕要等咁耐，梗係啦，佢會當住你面整比你睇

再揀配料

賣$7 一杯其實都唔算貴，都ok好味，但吓吓要排隊要等，都真係要再諗過囉

 

每年一度阿姐都會約以前讀high school 班同學上o黎打邊爐，今年其中一位係依家同一大學o既朋友，佢話成日見我哋有家庭聚會，問我哋佢可唔可以join埋，仔仔爸話無問題，但呢位同學住波士頓，要o黎既話就要o黎我哋屋企住一晚，我哋都無問題，當佢o黎到至知原來係男生來的，最後成班年青人都傾得好投契，啲食物都差唔多掃晒

今朝起身，呢位同學想食唐人點心，所以就同咗佢去飲茶

之後又食咗其他點心，其實呢位同學仔係混血兒，爸爸係西班牙人，媽媽係福州人，但個樣一啲唐人樣都無，而且多年前父母已經分開，佢跟爸爸，但佢話以前都好少食唐餐，不過佢識楂筷子

其實我哋住近唐人街，真係好少去飲茶，除咗想同朋友坐吓傾耐啲至會揀去茶樓飲茶