賄賂過之後，第二朝Marble仔咪會乖乖上床陪阿姐囉，(其實只可能係我哋返咗工，Marble仔無得揀至去揀陪阿姐，哈哈)
阿姐返o黎之前，己經話星期日同我哋去食Brunch，呢間係表姐介紹，話好出名喎
我哋十點前去到，裡面已經無位，得室外，當日都有少少凍，不過從來都無坐過外面，又唔想等，咁有太陽坐坐吓都唔算太凍，一過咗十點，就多咗好多人，坐滿外面之餘，仲要等位
初時見人哋個pancake 份量都好大，以為其他都會好大份，所以叫咗兩個再加多個side
啲食物o黎到又覺得唔係咁大份唧，所以叫埋個pancake 試吓
有成三塊咁多，最後都食剩小小，其實話咁出名，都唔係想像中咁好食，都係不過不失啦
見去開Brooklyn，就去埋阿姐契媽屋企坐吓，阿姐農曆新年又無返o黎同契媽拜年，當然要見吓契媽啦，仲有契媽隻狗囡Biscuit，Biscuit 好鬼熱情o架
因為阿姐仲有功課未做晒，所以都唔敢坐咁耐，早啲同阿姐食晚飯，就車佢去搭火車，等佢早啲返去做功課
賄賂法無論幾時都好有效 ^^
回覆刪除但收賄嗰個收咗利益之後，都未必會妥協嗰喎，哈哈
刪除好明顯阿姐返黎你即刻冧晒!haha..
回覆刪除嗰塊炸得咁行既係魚塊?!
我發覺我好中意食美國d pancake,上次我一個人食左食碟唔記得幾多塊, 好中意d口感好軟綿綿!之後見親有pancake都會order.
阿姐返黎我當然開心啦，嗰塊係豬扒，見到都覺熱氣，每間整啲pancake個質地口感都唔同
刪除Biscuit 係咪曲架嚟架? 佢好可愛呢~!!
回覆刪除係呀，係曲架，佢見親我同阿姐都好興奮o架，但見到仔仔爸佢會吠佢
刪除Biscuit 放隻手係隻腳度好得意呀
回覆刪除佢見親我同阿姐都好興奮、好激動o架，所以佢成日郁好難影，呢張咁啱咁定阿姐用手機影，影得好靚
刪除阿姐咁耐無返黎，Marble仔係咪嬲咗佢所以唔睬阿姐呀？
回覆刪除其實佢同阿姐都唔算好熟，哈哈
刪除美國食野好過英國了，我地的食物好 ''的式'' 架
回覆刪除唔係吖，有時見妳post啲野食份量都唔少
刪除Biscuit so cute
回覆刪除仲係為食狗一名
刪除Marble仔會唔會對阿姐冇天師仔咁耐，所以會唔記得阿姐呀
回覆刪除妳地D brunch好大份呀
話晒阿姐又唔係成日係屋企，唔親佢一啲都唔出奇，啲brunch份量應該啱一般人食，但大食o既老番就另計囉
刪除阿姐好乖女，特登回來陪你過weekend:）
回覆刪除佢掛住啲貓貓呢
刪除有食有人錫佢梗係睬阿姐啦。
回覆刪除好現實呢
刪除