原來係一隻“Possum”，中文叫“負鼠”
點解佢會係個垃圾筒度呢﹖仔仔爸話垃圾筒裡面有個未食晒o既飯盒係度，佢應該係肚餓爬咗入去食飯盒，但之後就爬唔番出o黎
咁點解會有隻咁o既野生動物會出現係呢度，咁大家就估計，當日有個客係從New Jersey o黎，可能佢跟咗呢個客o架車，搭咗順風車o黎咗New York
咁佢哋點處置佢呢﹖佢哋就諗住call ASPCA搵人o黎捉走佢， 點知ASPCA啲人話o黎捉走佢要比$125，老闆唔肯比呢筆錢呢
仔仔爸就諗住將佢放生，佢知道尋日會有單貨送去Long Island，所以打算去送貨時會將佢放生，仔仔爸放工時見佢已經瞓咗
尋日仔仔爸返工，就比咗一個麵包，一個紙包蛋糕佢食，佢都食晒，證明佢好肚餓，見佢都有啲驚驚呢
仔仔爸已經一早search定邊度適合將佢放生，係一個好大o既野生公園，近哥爾夫球塲，公園中有兩個湖仔，又唔近highway，應該好安全
希望隻Possum可以適應嗰度o既新環境，平安咁係嗰度生活
比我見到一定嚇屎
回覆刪除謝謝你地救左小鼠鼠
希望佢o係野生公園安頓下來
btw, 點解SPCA 要收錢咁衰架?
NYC 除左SPCA 有無其他 Animal rescue 團體?
係囉都唔明ASPCA點解要收錢，依家我對ASPCA都有啲失望，我三貓都係去佢哋度睇醫生，但有時覺得啲醫生係新手，見貓惡少少都唔敢認真睇，醫藥費又唔係收得比出面平，又會打電話叫人捐錢，我覺得我有心捐錢唔需要打電話追人捐，所以我依家捐比其他機構都唔再捐比佢哋，其實呢度都有其他動物機構，不過唔知接唔接收野生動物，就算有流浪貓B叫佢哋接收，都要預約睇吓收唔收，有時想幫啲流浪貓都唔係咁容易
刪除希望佢有個好開始, 新生活
回覆刪除希望係咁啦
刪除老鼠仔走運啦👍😊
回覆刪除佢都算好彩，如果遇到係我老細，佢實死梗，話說我老細屋企附近會有野生浣熊出沒，試過有隻浣熊摷佢屋企個垃圾筒搵嘢食，我老細將佢打死，唉
刪除隻負鼠遇到仔仔爸真係行大運！
回覆刪除佢真係算好彩，仔仔爸個老細屋企都有養貓，會善待動物，如果遇到係我老細，佢實死梗，話說我老細屋企附近會有野生浣熊出沒，試過有隻浣熊摷佢屋企個垃圾筒搵嘢食，我老細將佢打死，唉
刪除仔仔爸好有愛心呀，真係要俾個like佢！
回覆刪除自己有養寵物，實會愛護動物，應該要咁做
刪除多謝仔仔爸救咗一條小生命 ^^
回覆刪除應該係要咁做的
刪除人類要搵食，其他動物都一樣; 人類霸咗地球好多地方，令動物搵食難...
回覆刪除多謝仔仔爸救咗負鼠，希望牠有開心新生活，唔好捱餓。
無錯，好似啲人好憎老鼠，其實啲老鼠都係想搵食生存
刪除希望佢係嗰度會可以平安咁生存
多謝仔仔爸的愛心
回覆刪除應該係要咁做的
刪除呢隻傻瓜撘錯車但遇到你地呢幾個好心人, 都算好彩~
回覆刪除佢真係算好彩,如果遇到係我老細佢死梗
刪除祝牠好運下次唔知會否再碰到像妳們愛心的一家呀!!
回覆刪除真係祝佢好運，希望佢唔好再咁百厭就去搭順風車
刪除以後唔好搭錯車啦, 咁佢咪可能同D同伴失散左囉
回覆刪除咁都無辨法，都唔知原本佢係邊度o黎，希望嗰度都會識到朋友啦
刪除愛心是福！
回覆刪除應該要咁做的
刪除