無孫湊了

上個星期日零晨，仔仔爸就去機塲接阿姐同男友仔返嚟，佢哋返到嚟就錫吓Macy & Mittens，阿姐餵個女食早餐

Chewy 其實都算叻，見到佢阿娘都無匿埋，只係唔比太接近

之後我哋就落街食早餐，男友仔最鍾意食點心，但咁早啲酒樓都未開，得一間所謂茶餐廳有點心食，不過啲點心就真係唔掂

之後就返屋企pack 貓

奇哥仔唔捨得佢哋走嗎﹖

一齊送埋佢哋上車，掛住攞貓，漏咗張貓床唔記得攞o忝 

真係好唔捨得佢哋，咁睇番呢兩粒孫最後嗰個禮拜嘅情況啦

咪話過奇哥仔成日入房蝦貓，Mittens 已經避上櫃頂，奇奇仲一樣想跳上去嚇貓，奇奇真係好鬼衰，所以搞到Mittens 成日匿係櫃頂唔肯落嚟

抱咗Macy入我房，奇哥仔又成日去昅實貓

所以我要成日入房陪佢哋

Macy 好鍾意人R 佢，R 到佢想伸脷兼想舔人

阿姐見我多數send Macy 嘅相比佢睇，有時佢會叫我send Mittens 嘅相比佢睇，但send 完比佢，佢就話又係呢個位置、又係呢個post，咁鬼叫佢驚其他貓呢

睇Mittens 食都懶

其實都唔係嘅，佢都會係房週圍八

總知一開咗房門，啲貓就要入去八吓，天師仔成日去飲人哋啲水，Chewy 只係週圍行吓無搞事

某日奇哥仔入到房，見Mittens 無係櫃頂，仲即刻走上去霸住

 其實佢兩母女有時都幾溫馨的

其實Mittens 真係好想出房，不過啲貓成日係房門口“捕”住

最後嗰晚，襯其他貓瞓咗，我鼓勵Mittens 行出房，最後佢走咗入隔離房八咗一陣

最後嗰幾晚Macy 一早走上床同我瞓呢，阿姐見到實羨慕屎

當兩粒孫走咗之後，見到奇哥仔霸咗張床，佢心諗我終於都可以瞓番呢張床了，呢幾晚佢都係一早就走上呢張床瞓

阿姐當日返咗屋企，搞妥貓地就去瞓覺抖一抖，瞓醒見到Macy & Mittens 係梳化瞓得好自在，始終都係自己熟悉嘅地方至舒服，我諗佢哋呢兩個禮拜都瞓得唔好，尤其係Mittens

阿姐又話一到六點，Macy 見阿姐行入廚房又喵喵嘈扭食，話我哋縱壞咗佢

阿姐話見Mittens 又唔習慣我呢度，話下次唔比佢哋嚟渡假，係就慘啦，我無得見兩粒孫，嗚嗚