連阿姐都投訴話我唔出Blog，又少send 貓地o既相比佢，佢無得睇貓地
我家五隻寶貝都好好喔
Charco 仔
天師仔
Marble 仔，仲係咁爛瞓
奇哥仔，都仲算好黐身
Chewy 仲係咁靚女
上個月係Charco 仔11 歲生日，無忘記，特登同佢慶祝，不過無特別買正嘢比佢食，只係佢可以獨享半條魚扒
係街見到舖頭貓，又比人摸，好開心呢
呢隻舖頭貓，見到佢時，佢眼甘甘咁望住喺馬路隻白鴿，真係好驚佢會撲出馬路
放咗工去完圖書館，行呢條路返屋企，有時都會遇到呢隻舖頭黑貓
今個冬天真係好漫長，踏入五月至正式回暖，見到週圍啲花都開晒，每一棵櫻花樹都開得好燦爛
除咗春暖花開o既日子，仲係貓地換毛o既季節，至從農曆新年後，公司只開五日，星期六有時瞓醒，我會自己走去食早餐，好鍾意食呢間小食店o既炒麵，好夠味，而且貪佢唔駛比小費
食完早餐返到屋企，就係大掃除o既時間，我會全屋掃清啲貓毛，仲會抺地
以下呢啲只係每日係屋企見到o既貓毛，其中一部份，因為貓地換毛o既關係，真係每日都見到週圍都係貓毛
唯有每日好勤力咁清啲貓毛
我好明白你
回覆刪除之前我個三叔手機壞左, 完全整唔番, 最慘裡面啲相無 backup T-T
最鐘意 Marble 仔張相, 佢瞓個樣好冧
最慘係多年既相都無晒，真係欲哭無淚
刪除Marble 仔仲要瞓到伸晒脷，cute都不得了
d 嘢冇哂真係好唔開心
回覆刪除媽媽星期六放假, 最開心應該係貓哋, 有人陪 haha
見到 d 花咁靚, 心情都好會 d
預咗會唔開心一排，不過一諗起多年啲相都無晒，真係好心傷，唯有睇多啲開心嘢令自己開心啲啦
刪除噢...原來如此...冇晒相又真係好灰... - -"""
回覆刪除不過要出blog 呀，miss u 呀....
一諗起多年啲相都無晒，真係好心傷
刪除blog我點都會出既，最多未必咁密囉，點都好多謝妳支持
無哂d相... 真係好心痛 > <
回覆刪除補祝Charco仔生日愉快，身體健康，聽哂阿娘話 ♡
香港天氣凍極有限，大帝s日日好似換毛咁， 除咗同佢地梳毛外，都要吸塵.
好彩我都有晒相既習慣，但啲風景、貓相都無晒
刪除多謝，佢有零食就會聽話
毛就人人都梳，除咗Charco仔，隻隻都愛梳毛，成日螺人梳毛
d科技嘢真係靠唔住……相無咗，真係激氣。但blog友仍在呀。
回覆刪除祝Charco仔生日快樂!
多謝，無晒啲相，我覺得真係好慘呀
刪除歡迎歸隊!我自己覺得無心機就停下，到有心機再寫番，最緊要隨心唔好俾自己壓力！
回覆刪除知道幾隻貓地都健健康康就最開心！Happy belated birthday dear Charco仔！要身體健康啊！
多謝，都想寫的，但都係懶呢
刪除我仲以為妳返咗新工唔得閒寫blog
回覆刪除一來啦，份新工六點收工，閒日就一定無時間寫，得weekend，其實自己又懶
刪除我都有咁諗見你無新 post，原來機件故障，依家整返好未呀
回覆刪除應該都整唔番(哭)
刪除貓地個個都咁精伶，睇見都好開心呀！
回覆刪除對住佢哋真係心情愉快
刪除