但見間屋有個大後yard，我就話等天氣回暖或者天熱時先至攪啦，因為下個月國慶節日會去阿姐大表姐度開party，所以我話不如呢個月攪啦
可能又撞正近父親節，所以大表姐，二表姐都無時間嚟
一去到，就見到Mitten 係屋門口個空間度hea 緊，係正自己地頭，佢一啲都唔驚
Macy 都係度
之後Macy 又跟我哋入屋八卦
後來又想出去
Mitten 仲係外面，我行出後yard 裝佢
呢套戶外家俱，係男友仔特登為今次party 準備
前、後yard 仲種咗好多不同種類嘅花
仲有士多啤梨
仲有啲花苗
除咗參觀阿姐新屋，另外佢哋又要嚟睇要試阿姐新買嗰架二手電動車
人齊就開爐BBQ
一邊食吓、一邊又搵貓貓玩吓
食咗一輪，我哋出去附近搵貓
唔知係咪天氣熱，行咗好耐至遇見呢對Twin，都好為食
食完我哋走了，其中一隻都仲要跟住我哋
之後又遇見呢兩隻，不過唔睬我哋
之後就再無發現
跟住就返去繼續食嘢、吹水同玩貓
阿姐放咗Macy 出後yard，佢都係第一次出去，我哋要跟到佢實，驚佢會捐窿捐罅走咗去
Macy 返番入屋
Macy出過去一次之後，又好鍾意出去，一見人開門就想出去，而Mitten 之前曾經自己走過出去，佢身手又比Macy 敏捷，所以唔敢比Mitten 出去
天開始黑了，天黑後個後yard 又有另一番氣氛
Macy 又要出去玩
見Mitten 見到Macy 可以出去玩，佢又好想出去，所以阿姐比佢出去，但就要帶上繩至得
都玩到成9 點幾，幫阿姐手清埋啲嘢至走
今次啲表姐、姑媽、大伯唔得閒嚟，唯有搵過另一個月再約埋去阿姐屋企，再探兩粒孫啦
個yard 咁大，間屋都唔細啦。 同英國的蚊型屋無得比。
回覆刪除係佢個廳好細，人多就覺得迫囉
刪除幾時結婚?
回覆刪除唔知呀，無咁快呱
刪除兩個孫女都靚女
回覆刪除有個花園, 就有好多野可以攪 ^^
有花園又真係好多嘢要打理
刪除祝：端午節快樂！
回覆刪除新屋環境唔錯喎。
端午節快樂，都係架，係山旯旮啲囉
刪除當睇到話Macy第一次出去yard玩，我就諗佢之後就會想成日出玩，哈哈，以後阿姐有排忙。:D
回覆刪除比妳估中啦，阿姐啱啱至話，一放工一入屋企就嘈住要出去，哈哈
刪除yard好大, 仲佈置得好靚!近唔近你屋企?
回覆刪除唔近，要楂個半至二個鐘頭車
刪除個花園咁大, 一大班人燒嘢食好正
回覆刪除MACY 好得意, 要嘈住出去玩 haha
好彩有個大後yard，唔係真係唔敢叫人去佢屋企玩
刪除個個都好鍾意Macy，尤其我姑仔，成日都借啲意抱佢
第一次見個太陽能板裝地下，唔多塊板，夠屋企用電嗎？
回覆刪除佢屋頂都有裝，後yard嗰啲係佢之前租嗰間屋度搬過黎，唔知呢，應該夠用呱
刪除花園BBQ一流！
回覆刪除所以要天氣熱至開party，再下個星期就去表姐屋企開party，因為佢屋企有泳池
刪除我俾macy電暈咗！😍😍😍😍
回覆刪除佢真係好可愛，個個都鍾意佢
刪除