今次Chewy 見到佢阿娘已經無匿埋，不過佢係走廊時，都係唔比摸，但一上床就肯比佢阿娘摸了，真係開心屎佢阿娘，阿姐仲同佢梳毛，梳到冧晒
第二朝起身，一齊去我鍾意食嗰間茶餐廳仔食早餐，之後仔仔爸就去買餸，我同阿姐就返屋企hea
上個月母親節時，阿姐諗住同我嘆個高貴High Tea，點知無定位無得食，阿姐一早上網買咗呢個High Tea set嘅優惠，兩個set 只需要比 $99 (原價要$69 一set)，因為食唔到，張e-coupon 8月份就到期，阿姐諗住橫掂都返嚟，所以想星期六同我去食咗佢，咁今次梗係先訂定位先啦
但呢日見有幾張空枱都無放reservation
見到個果jam 嗎，係新鮮果jam嚟 ，連我唔係太鍾意食果jam 的，都覺得非常好食
嘆咗個幾鐘，就同阿姐搭subway 去行街街，一行出酒店外，就係著名“中央公園”其中一個入口，呢個入口近住中央公園動物園，呢日咁好天一定好多人去行公園
行完街返到屋企，Chewy 肯主動上床比佢阿娘摸摸
今次阿姐想摷番條靚裙出嚟，因為遲啲要出席男仔友親戚嘅婚禮，奇哥仔又乘機走入衣櫃搞搞震
到咗星期日，等仔仔爸買齊嘢食，就出發去表姐屋企，今次我坐阿姐部車，男友仔佢都會自己揸車去
今次出席人數比較少，所以今次無預太多食物
大表姐好豪，叫咗部雪糕車停門口，叫大家任食，佢埋單，真係開心屎啲小朋友，啲小朋友仲可以走上雪糕車裡面
每年呢個月份，大表姐一定會開Party，除咗開放遊泳池外，又係慶祝埋啲小朋友生日
其實都係有個籍口，可以一家人聚吓唧，下個月又會再開多次Party，不過唔知到時阿姐得唔得閒去呢
任食軟雪糕 🍦 聽到都開心 😋
回覆刪除唔只軟雪糕，仲有好多款甜筒雪條
刪除居然軟雪糕任食, 嘩~~~
回覆刪除唔只軟雪糕，仲有好多款甜筒雪條
刪除見到都高興
回覆刪除連啲大人都好雀躍
刪除大表姐真係好有心呀，家族gathering有好多預備功夫要做！我估佢最想就係見到每個家庭成員都出席都enjoy! :)
回覆刪除但因為佢住得遠，每次開party 唐人食物，都係仔仔爸負責係唐人街買入去，有時就每個family 自己整啲食物去，今次仔仔爸炆咗好多牛肚
刪除雪糕車任食雪糕!!!!我唔係小朋友聽到都會開心到癲!
回覆刪除阿姐好孝順，唔係母親節食都有好處，就係唔使咁多人可以慢慢嘆!
真係連啲大人都好雀躍，除咗我，阿姐真係算好乖，佢好錫我
刪除呢個party 攪得很盛大，很有心思。你女兒很孝順，成日返來探你哋又同你哋去食野。
回覆刪除最主要係表姐屋企夠大，又有游泳池，啲小朋友有嘢玩，表姐好好客，其他family 叫埋自己朋友都可以，平均一個月至見阿姐一次，佢都算係咁啦，肯抽時間陪我
刪除下午茶好大份好抵食！
回覆刪除都好大份，如果要食都勉強食得晒的
刪除個high tea成三層樓咁高，真係見到也想食。
回覆刪除call埋雪糕車任食，呢個party好正。
香港好多high tea set都好正
刪除表姐今次好豪氣
Chewy好冧呀！🤗🤗🤗
回覆刪除佢好鍾意梳毛，一見阿公行入房，就即刻跳上床要梳毛
刪除