容易受驚的少女

Chewy 嚟咗我屋企己經兩年多啲，發覺佢依家驚青咗，比初初入門時仲驚咗人，記得初初入門無耐，開始適應咗呢個屋企，阿姐啲表弟表妹嚟咗我屋企，佢最初都只係會匿係床褥後面

用玩具引佢，佢都肯出嚟玩

依家佢一聽到有叩門聲，或知道有陌生人係屋企，已經唔知匿埋咗去邊，直到人哋走咗至肯出番嚟，有段時間真係唔知佢匿咗去邊，終於摷到佢個藏身處

走番出來了，不過就算唔係有陌生人入屋，佢有時都會匿係裡面瞓覺

佢個驚驚樣

佢真係好容易受驚，我平時係佢面前都唔敢好大動作，驚嚇親佢，我每次埋佢身摸佢，都要慢慢的

阿姐每次返嚟見到個女，都一樣要小心奕奕，唔可以嚇親佢，嚇親走咗就無得黐了

睇佢細細粒粒，平時瞓覺都好斯文

真係好少見佢瞓到反晒肚

但有時佢又會好無儀態，哈哈

 食嘢都好斯文，細啖細啖慢慢食，一啲都唔心急

 但有時就…

 佢初入門時，朝早會主動跳上人大髀，可能係想快啲討早餐食，不過依家已經無呢支歌仔唱了

雖然佢依家都唔算太黐人，但間唔中都會主動埋身，梗係想搵公公梳毛呢

 搵我同佢玩，玩緊Da Bird

 我用緊電腦，佢主動嚟搵我，仲肯坐大髀，真係好難得

 

公公見佢瞓緊覺，又黐埋去一齊瞓，仲有Marble 仔一齊呢

 

舊年時有段時間Chewy 朝早會走上床黐實我瞓，大家睇真啲，其實有三隻貓陪緊我瞓

有時仲比我攬住瞓，雖然唔係比我攬好耐，但我都已經好心甜

初時瞓係我對腳上面，後來比我攬住瞓，嗰陣時奇哥仔好鍾意瞓係我枕頭旁邊

我已經起床了，佢兩個都仲未願落床

近排佢朝早又黐住我瞓，攝於早兩日前，佢好鍾意貼住、靠住人腳瞓，佢可能覺得有安全感

有時佢又好八卦，我睇報紙時，佢走上嚟阻住晒，唔比我睇

呢張係我打呢篇Blog 前影的

雖然Chewy 都仲係咁驚青，但我會盡量比到佢有安全感，希望佢明白，公公婆婆好錫佢，會保護佢，唔會嚇親佢