阿姐回來了

自從上個月頭我去康州Yale 大學見過阿姐之後就再無見過，過幾日係Thanksgiving，阿姐表姐又係屋企搞party，但阿姐今年陪男友仔返賓州屋企，同男友仔媽咪過節，所以早幾日阿姐特登返嚟陪吓我

阿姐星期五早放工就返嚟食飯，阿姐話有天師仔同Marble 仔陪佢食飯

後來奇哥仔去黐阿姐，坐住大髀陪阿姐食飯

食完飯阿姐返房陪我，Mango 仔又入房搵人

阿姐話Chewy 好乖，係度比佢摸

見到Mango 仔又坐係張凳度面壁思過，阿姐又去逗佢玩

到我哋返房瞓，Mango 仔又入嚟同我哋一齊瞓

第二朝，阿姐一起身就開電視煲“牛下女高音”，但佢又要一邊開電腦玩game，我幫阿姐冚張毛毡上大髀，好快就好多貓去黐阿姐，Mango 仔又去黐實阿姐

見到天師仔係房瞓住阿姐個枕頭，平時都好少見天師仔會瞓枕頭的

我洗完衫返嚟，同阿姐去食lunch，行去時，又遇到呢隻貓

阿姐連早餐都未食，佢話想食海南雞，所以去食馬拉餐

食飽佢陪我去唐人超市買雞胸肉，又特登去菜檔搵佢

見阿姐好耐都無食過榴槤，見$3 一磅，買個返去今晚食

返到屋企，阿姐又繼續煲劇，又有貓黐住佢，或者陪住佢

我續粒餵Mango 仔食健康糧，佢好鍾意食，阿姐話佢咬粒糧，“嗡”起個鼻時，好可愛

阿姐仲要影多啲Mango 仔相，要send 比佢個貓同事睇，佢個貓同事好鍾意Mango 仔

貓地夠鐘開餐，Chewy 仲瞓緊美容覺，我就攞入房比佢食，阿姐見到話佢咁巴閉，有room serives

我哋等仔仔爸放工返嚟，就出去食飯，阿姐見返開嚟，就約埋佢個好姊妹Tracy 一齊食，Tracy 好客氣，買咗盒靚靚cupcake 比我哋食

到星期日朝早，見又落雨，所以仔仔爸去買粥、炸兩、牛脷酥返嚟做早餐，我派貓地去叫阿姐起身，Mango 仔都唔睬阿姐，奇哥仔就乖乖係旁邊陪住阿姐

Mango 仔只對啲早餐有興趣

食完早餐，陪阿姐去銀行入票，臨出門口，奇哥仔又黐實阿姐，唔比阿姐去街

佢話唐人街開咗間新Donut 店，佢話唔記得係日本定台灣買過，原來開係魚魚餅雪糕店隔離，阿姐又要買街邊檔中東飯返去比男友仔

為食Mango 仔就嚟“猴”住晒

冬季個天會黑得快，都係叫阿姐快啲返屋企，臨走我叫阿姐幫Chewy 梳吓毛啦，黐吓佢個女多一陣啦

阿姐返到屋企，到Mittens 係度八卦佢阿娘帶咗啲咩返嚟