貓來黐

貓貓嘅性格一般都比較cool，唔似啲狗狗咁熱情，會主動黐人，如果主子主動黐埋去呢，佢哋除咗會嫌棄，仲會避之則吉

好似我家Charco 仔咁，除咗佢想R 零食之外，佢係唔會主動黐人，咁平時摸一陣，佢都仲比嘅

 天師仔呢，平時我係梳化、床上睇電視，佢有時都會主動上嚟陪吓我，俾我黐吓，但係佢又成日嚟搵我幫佢拍pat pat

 最順得人都算係Marble 仔，佢最鍾意黐人，佢以前好鍾意黐阿姐，阿姐又好鍾意黐住佢

Marble 仔成日嚟陪住我、黐住我，要我摸佢、R 佢

 咁奇哥仔呢，佢一時時啦，佢鍾意嗰陣就會好嗲，要嗲住我、黐住我

有幾隻貓地陪我瞓，幾正

奇哥仔同Marble 仔又唔怕生，每次阿姐、男友仔返嚟，都會黐住佢哋

 咁到Chewy，佢肯主動黐人、陪人，其實好少數，真係好難得的

咁Mango 仔呢，佢平時摸多幾下都咬人，佢除咗扭嘢食，佢都唔睬人，呢幾張相，佢都算係難得咁肯黐吓人

 Minnie 佢其實都幾sweet 㗎，佢好多時都會跳上我大髀，幫我搓大髀同肚腩，尤其係我坐係地下睇報紙嗰陣時

 

即係總捨嚟講，只有貓地主動嚟黐你，佢哋肯黐妳，真係要好感恩呢