我平時去洗衫間洗衣舖,一出禁閉令就即刻暫停營業
上個星期日行出唐人街,都已經見啲舖頭無開門,餐廳食肆都只做外賣,超市、舖頭都會提早收工
見開始疫情爆發,我哋都陸陸續續入定多啲糧食,冷藏肉類、罐頭、餅乾零食
因為都唔知個疫情會搞到幾耐,所以都係買定多包米隠陣啲,咁入定啲貨,咁就唔駛咁頻密出去買餸,多啲留係屋企
之前啲人去搶厠紙,我就唔會咁癲,見屋企仲有兩pack,都費事去搶,通常屋企啲日用品,我都係襯做特價時買定
除咗人食嘅食物,當然幫貓地入定啲貨,啲人唔出街,多咗好似我咁會上網採購,有部份罐頭,我哋上網買,有啲都已經無貨
連我姑仔都有幫手,幫我家貓地入咗啲乾糧、罐頭,不過就唔知幾時至交到比我喇,哈哈
早幾日出去,唐人街已經冷清清
覺得好慶幸係,一早叫咗阿姐返嚟幫手帶咗Minnie 去做絶育,如果唔係會因為呢個疫情而唔知要拖幾耐
我哋出街當然會帶口罩啦
Chewy 同Minnie 都表示,話佢哋係屋企都一樣長期住帶口罩,哈哈
早兩日仔仔爸都可以早早收工,而今日開始,公司接唔到order,所以仔仔爸都開始唔駛返工,我有啲朋友一早都已經唔駛返工,仔仔爸今日都有出去行吓,見唐人超市貨架上,好多都空空如也
呢個武漢肺炎,全球爆發,引起經濟、民生種種不便,希望呢個疫情可以快快消退,回復大家以往嘅生活
我地都係用Charmin廁紙,自搶購潮起已買唔到呢隻牌子,好在屋企仲有存貨,唯有慳啲洗啦,哈哈!
回覆刪除我地平時都唔太儲糧,最近都買多咗冰貨同乾糧看門口。大家都要平安、保重呀!
一條厠紙都可以用好耐,應該都頂到既,就算真係要買,嗰陣都應該唔會無得賣呱
刪除我住近唐人街,成日可以買到新鮮餸,所以真係好少咁儲糧,儲多啲都係想避免成日要出去
今朝已經諗起妳,我竟然好彩地買到exactly用開嘅廁紙,哈哈!
刪除我地都係,儲定多啲只為少啲外出。
我已經兩日無出街,今日都唔會出街,好彩我本身都係個宅婦,嘻嘻
刪除你哋遲我哋兩星期囉。D人搶完廁紙,就搶罐頭食物,消毒用品,跟著就買急凍食物,買藥物。 到星期一戒嚴令一出,限買令都出埋,跟著就一切正常返。
回覆刪除香港、大陸一開始有事,呢度啲口罩一早就無晒,就算依家有都炒到貴晒啦
刪除我哋算係呢個星期開始嚴重,希望慢慢會好啲啦
你們夠口罩嗎?
回覆刪除夠呀,放心,而且仔仔爸依家無工開,我盡量都唔出街,佢就負責探購同餵街貓,我就唔駛用口罩
刪除我外出返屋企,消毒完先敢接觸毛孩!
刪除大家忍耐下,不聚集,保持衛生,COVID-19好快消失!
仔仔爸返屋企,我都叫佢洗咗手至好摸貓地
刪除只要啲人少啲聚集,感染個案自然會少,尋日報紙都報導,話病例都放緩咗
準備好生活所需留在家中會安全D,加油!
回覆刪除想少出街,唯有儲多啲糧草啦,希望個病毒快啲消失
刪除恐怕仲有排攪
回覆刪除我諗都係啦,有排捱
刪除期望大家一切安好!
回覆刪除大家都要小心,加油
刪除呢段時間大家都要保重!
回覆刪除你係香港都捱咗一段時間,我哋至啱啱開始,我已經兩日無出街,今日都唔會出街,好彩我本身係個宅婦
刪除你地要好好保重,希望可以盡快捱過呢段日子!
回覆刪除妳係香港都捱咗一段時間,我哋至啱啱開始,真係希望個病毒快啲消失
刪除好彩你準備好
回覆刪除算係未雨綢繆,儲多少少,方便自己唔駛成日出去
刪除