阿姐約我食海鮮

阿姐同佢新男友仔嚟紐約Bronx Zoo 睇動物，所以就約我哋去Bronx Zoo 附近City Island 食海鮮，當係補祝母親節同父親節餐飯

阿姐一早就到咗，仔仔爸要放咗工返屋企沖埋涼至出門口，又塞咗一陣車，雖然一早book 咗枱，但一定要人齊至比枱

依家啲餐館唔比堂食，但呢間有outside 位置，有帳篷落雨都唔怕，都好多客，仲見好多人order 外賣

我哋就係呢度開餐 

我哋叫咗個海鮮套餐同西班牙海鮮炒飯，未order 已經送上沙律，之後送上蒜蓉包，個蒜蓉包好好食

要去厠所，影吓餐廳入面

啲嘢好飽肚，兩樣都食唔晒，阿姐就打包咗個西班牙海鮮炒飯，阿姐個新男友仔係西班牙人，佢攞返屋企比佢啲屋企人一齊分享，我就攞咗個海鮮套餐，食剩成隻蒸龍蝦同兩隻阿拉斯加蟹腳，呢餐新男友仔好識do，佢埋單

今日攞咗隻蟹腳拆肉比Charco 仔食

上個月見阿姐時，阿姐話佢好耐無食過菠蘿包，好想食，所以買咗幾個比佢解癮