到咗星期一朝早,先睇吓芝麻花生,都算驚驚,但唔會匿到好穏閉
下午開餐,就算我係度望住,芝麻都夠胆出嚟食,都係芝麻最為食
呢日仔仔爸打算繼續捉埋其餘兩隻貓B,佢食完lunch,襯餵貓B 時捉埋佢哋,一黃一黑
最搞笑係仔仔爸帶埋佢哋去送貨,要佢哋做跟車,哈哈
一返到屋企又係即刻入厠所沖涼
先抺耳仔,好污糟呢,沖完涼,再剪甲
呢隻個樣好似Charco 仔小時候呢
帶咗佢哋返入房,芝麻、花生一聽到佢哋嘅叫聲,即刻走晒出嚟
幫佢哋改咗名叫黑糖同黃糖,呢晚開始,仔仔爸都無返房瞓出廳瞓,驚嚇怕佢哋
到第二朝早,見到芝麻花生
黃糖同黑糖就超驚
睇黑糖驚到縮埋一舊,嘢都唔敢食,自己唔睇我哋以為睇佢唔到,黑糖係4 隻貓B之中size 最細,我諗佢係最遲出細嗰隻
之後佢兩個就成日匿係個膠箱面上面
之後都只見到芝麻花生, 黃糖黑糖就一聽到我哋開門聲就即刻匿上個膠箱面
仔仔爸話之前捉芝麻花生嘅時候,貓媽媽想衝去救貓,到捉黑糖黃糖嗰陣佢就好平靜,我諗貓媽媽都知道,啲仔女留係度都唔係好事,一諗佢突然無晒啲貓BB,都戥佢心翳
仔仔爸話呢隻黑貓可能係貓BB 嘅經手人,佢係對面雲石廠嘅貓
咁啱我個貓年曆呢個月係玳瑁貓同黃貓B
我諗你會收養埋佢地 (阿毛)
回覆刪除收晒4隻真係有難度,襯咁細隻,畀人領養機會都大啲
刪除仔仔爸爸&仔仔妈妈都好好心,猫b b遇到你哋係佢哋嘅福气🙏🏻
回覆刪除只係唔忍心佢哋囉,襯咁細隻,領養機會都大啲
刪除名改得好好呀👍🏻
回覆刪除四隻可以再見返,佢哋都應該好高興!
啲名改得好可愛,依家佢哋芝麻花生一pair,黃糖黑糖一pair
刪除希望快啲遇到有緣人收養便好了🙏🏻
回覆刪除我都希望啦
刪除