阿B多人錫

呢日星期六，阿B 都係好早起床，阿B 話幫手揀罐頭畀啲貓舅父、姨姨食

阿B︰好啦，就呢三隻味啦

公公開罐罐之前，話要表演“餵金魚”畀阿姐、阿B 睇

知道開餐，連驚人啲貓B 都唔理人走晒出嚟

阿公都唔識做，仲係畀白麵包阿B 食

之後阿B 又眼瞓，畀佢瞓一陣，啲貓地就係度玩

我姑仔一早就知道阿姐會返嚟，話星期六要嚟睇阿B，順便睇吓我4 隻貓B，咁啱因為我大姑爺佢入咗醫院，我二姑奶請一個多星期假由波士頓過嚟探佢大姐夫，所以嗰日就約齊係唐人街飲茶，要見啲姑婆、伯公喎，幫阿B 扮靚靚先見人

有排都未夠鐘，畀阿B 瞓一覺先，連貓地都瞓覺

約係茶樓見，等位中

啲姑婆一見到阿B 好開心，抱住唔放

阿B 只可以食無落豉油嘅齋腸粉、叉燒包皮

飲完茶，我姑仔同阿姐個K 表弟一齊返屋企，我姑仔特別對肥貓情有獨中，所以佢好鍾意Mango 仔

返屋企前，呢個姑婆話之前見阿B 鍾意食蕃薯，所以買咗幾條蕃薯，蒸咗一條畀阿B 食，先同阿B 沖番個靚涼，舊蕃薯就蒸好有得食

之前阿Pat 係group chat 問幾時約食飯，咁我見姑仔橫掂出嚟，就話約埋阿Pat、Stacy 出嚟食飯啦，因為之前我派薑醋畀佢哋，佢哋又送禮物、又封利是畀阿B，而且佢哋都未見過阿B，順道一聚，原先打算係唐人街食，但見好似想落雨，仔仔爸就建議係屋企食，仔仔爸就出去買啲order，買條游水魚返嚟蒸、炒碟菜，同阿B 玩又可以睇吓貓，我哋全部都係愛貓之人

真係好耐無聚過，佢哋都係第一次見Mocha

我哋食緊飯時，阿B 又瞓咗覺

原來之前一日係Stacy 生日，所以我同姑仔出去買咗個蛋糕同佢慶祝

因為真係好耐無聚，大家都傾咗好耐，渡過咗一個開心嘅晚上