成日叫公公

阿B 好鍾意公公，因為公公買Pocky 畀佢食

所以近排佢係屋企成日都叫住公公

呢日去商場行街，途經賣Cinnamon 包，原本阿姐無諗住買畀阿B 食，因為之前個星期至食過，但阿B 爹哋就指住叫阿B 想食就同媽咪講，所以又買咗，返到屋企又要食

阿B 好百厭，又攞媽咪對毛拖鞋嚟著

又摷晒啲袋嚟玩

最百厭係，佢攞咗成桶貓零食，倒咗落床仔畀貓姐姐食，倒咗落地下嗰啲佢都執番起丟入床仔

見阿B 係屋企搞搞震，就帶佢出去放電

但呢日阿姐就讚阿B，自己食意粉，又肯畀人紥頭髮，阿姐話阿B 其實都知啲頭髮長唔舒服，但係就係唔鍾意紥住

佢又係度叫公公

同阿姐一家去Little Island 前一日，阿B 自己玩Shopping 遊戲

阿姐就帶佢出去放電，兼睇下見唔見到Junior 

呢日阿姐同阿B 換完尿片，阿B 係都唔肯著番條褲，阿姐同阿B 講第二日會見到公公，但佢又掛住睇雀仔

之後同阿B 睇吓書仔，認吓公仔，佢都好好記性，記得晒

阿姐吹漲個波，阿B 就自己放氣，放完氣，又要叫媽咪再吹，不斷無限loop

阿B 有嘢食，個樣就古靈精怪

去完Little Island 第二日，佢哋出去食拉麵

去完街，係屋企，沖完涼又有雪條食

阿B 記得媽咪去湊貓貓時，怕嚇親啲貓貓，會爬係地餵貓貓零食，所以阿B 餵貓姐姐食零食都爬係地，學媽咪咁，怕嚇親啲貓家姐

第二朝早，之前去買嘢，佢見到啲Juicy，佢係咁叫Juicy，所以就買畀佢，放咗係枱面，佢又自己去攞

阿B 見到媽咪隻手損咗，呵番媽咪，好sweet 呢

阿姐send 相話我知佢氹阿B 瞓晏覺，瞓咗15 分鐘，放低佢唔夠5 分鐘，想去過厠所，佢又醒咗

咁我又send 張即時嘅相，話畀阿姐知Mango 仔係我大脾已經瞓咗成個鐘頭，阿姐話啲舅父仲瞓得耐過佢