阿B 愛錫Macy 家姐

呢日朝早阿B 仲未瞓醒，Macy 係廳棵貓樹度望緊街，阿姐想去廚房沖咖啡，走去叫Macy 入房睇住阿B，阿姐沖完咖啡返入房，真係見到Macy 上咗床陪阿B 瞓，Macy 真係好乖呢

瞓醒咗又狂玩

之後佢哋就去街街，依家阿姐好精，阿B 上咗車，畀阿B Video Call 我，等佢唔駛又扭食嘢又嘈嘈閉，每次一同我Video Call 完佢都會同我揮手同畀個飛吻我，有時佢手多多會撳咗，所以阿姐就補番條飛吻片畀我睇

去咗行玩具店，阿B 見到隻貓貓公仔，攞住唔放

襯佢玩緊啲車車，至靜雞雞攞走盒貓公仔放番去

玩完去食嘢

呢晚阿B 幫手貼郵票

呢晚阿B 上床瞓覺，Macy 家姐係佢間房張彈床度，阿B 想Macy 家姐一齊瞓，阿姐同阿B 講一陣家姐就會嚟，無耐Macy 真係上床陪阿B 瞓

朝早阿B 一瞓醒就見到Macy 家姐，又可以黐住家姐

原本阿B 同我Video Call 緊，後來佢好快肯收線，原來佢等緊爹哋去掃完雪返嚟有蘋果批食

呢日佢哋要去湊貓，阿姐話貓主人個媽媽嚟咗幫佢睇屋，只係唔方便剷砂盤，所以請阿姐嚟幫手

之後就買薯條畀阿B 食

呢朝早阿B 瞓醒就去錫Macy 家姐，錫得好大聲，真係好sweet 呢

阿姐話無人教過佢，佢要媽咪抱，佢竟然識講“Hold me”

又要去湊貓，阿姐話走嘅時候阿B 同個婆婆飛吻呢

阿姐話有時阿B 瞓到好晏，都無時間出去買餸，所以都成日食外賣

呢朝Macy 等緊阿B 起身

Mittens 見阿B 起身就即刻走，得Macy 肯畀阿B 黐住，Macy 真係好乖

阿B 又要補番個飛吻畀我

晚餐又係漢堡薯條

呢日阿B 想叫Macy 家姐上床，搵埋媽咪幫手拍床，Macy 都唔睬佢

想黐Sundae 家姐，家姐怕咗佢

呢朝阿B 瞓醒就用隻臭腳臭醒Macy 家姐，真係衰

女婿收工又買外賣返嚟食

阿B 有爹哋湊住，阿姐就去Pure 屋企，我都好鍾意阿Pure，阿姐話佢一坐低，阿Pure 就走去坐大髀，呢晚唔駛餵藥，只需要陪吓佢，等佢唔駛咁寂寞

坐咗半個鐘，阿姐係咁同佢傾計，後來佢嫌阿姐煩，返咗上床，哈哈

阿Pure 住個Building 有個每月Pet 之星，會貼係大堂度，上次我跟阿姐去時，隻Pet 之星係一隻狗狗

呢晚阿B 係咁想錫Macy 家姐，仲叫媽咪去錫佢

呢兩姐妹真係好有愛，好好感情