Carmen的點滴

之前同Carmen 影咗好多相，由佢慢慢融入呢個屋企，由匿埋到可以再近距離接觸

唔再匿係房入面，去其他地方探索

當我返房，佢就出廳探險兼去搵Hugo 哥哥

佢雖然怕人，但本身佢都係一隻為食貓嚟，開始識得同埋啲哥哥姐姐一齊等開餐

自己嗰份食完，又想“謀”住啲哥哥姐姐嗰份

唯一一次，佢竟然咁大膽走埋嚟想偷食

11 隻貓一齊開餐，好壯觀

阿姐同阿B 係度嗰個星期

佢之前已經無匿係呢度，係見佢哋係度至再匿番埋

再開始我係個廳度㷛劇，佢都走出嚟hea

見佢好自在咁係度碌嚟碌去，好可愛

終於見佢走入我間房度Hea，搞到我都唔敢留係房，驚嚇走佢

同埋啲哥哥姐姐一齊，仲一齊睇雀雀

再開始佢只要見我唔係搞佢，我可以哄埋啲佢都唔會想走

佢好鍾意玩Laser point，佢仲會嚟房搵我，等我同佢玩

等到我畀乾糧，同啲哥哥一齊食

黃糖整跌晒啲乾糧，佢哋搶食，最後張相，佢fee 啲哥哥，睇佢幾惡

睇番啲相，真係好感慨，其實佢都仲未探索晒我呢個屋企，就已經離開咗，我好掛住佢呀