獨自湊阿B

上個Weekend 又到一年一度嘅動漫節，我女婿就一定會嚟朝聖，佢哋打算星期五、六行兩日，所以星期四晚就嚟過夜，佢哋成9 點幾至到，公公要早瞓，一早推定張床褥出廳，Mango 仔就等阿姐一家返嚟，而Hugo 仔就已經霸咗嚟瞓

阿B 一嚟到就週圍搞搞震

Mango 仔又黐實我女婿，見到咁嘅情景，又諗起如果奇奇仲係度，佢都會去黐住我女婿同阿姐

阿B 玩咗一陣，佢哋一家三口就瞓覺，阿姐兩公婆都要早起身去排隊買嘢，阿B 都跟住起身，阿B 先幫手推床褥返走廊，跟住就開始大玩獨玩

問阿B 想食咩做早餐，佢就自己開細雪櫃話要食 marble cake 同飲奶

阿姐、女婿要出門，阿B 都不知幾開心咁同爹哋媽咪say goodbye，一啲都無唔捨得

之後就係我獨自一個對付 湊住阿B，我近排開始食蕃薯做早餐，阿B 見到又要食

跟住阿B 就開始反轉我屋企

又要玩伏匿匿

啲怕羞貓貓匿埋晒，得Minnie、Mango、Mocha 唔怕阿B

其實阿B 除咗百厭都唔難湊，只要成日畀啲嘢佢食就得喇

兩婆孫食lunch，有隻肥肥為食貓虎虎眈眈

阿B 真係好鬼百厭

佢不停咁玩，我又氹唔到佢瞓晏覺，最後佢疴咗便便，幫佢換尿片，佢自己都頂唔順瞓著咗

阿姐兩公婆都已經行完返嚟，阿B 都仲瞓緊

等埋仔仔爸收工返嚟，我哋一齊搭Subway 去Midtown 食意粉

阿姐搵到呢間専食意粉嘅自助小店

可以睇到佢哋點整意粉

食飽行去附近一間好出名意大利餅店買Cake 返屋企食

之後又去食炸薯條店食薯條，多款醬汁可以揀

阿B 聽到音樂又郁身郁勢

行過一間漫書店，又入去行吓

又行過一間平價商店，阿B 真係好大膽，佢見到Halloween 啲恐怖嘢佢一啲都唔驚

阿B 返到屋企玩一陣沖完涼就瞓覺

待續…