成日落大雪

續再上個星期六阿B 打完Golf 之後，嚟到星期日，因為落雪所以無出街，留係屋企度hea

食之前係個Mall 度買嘅炸雞

之前女婿唔舒服，傳染咗畀阿B

阿B 都話係爹哋傳染畀佢，令佢唔舒服

阿B 原本食咗一次藥好少少，點知到半夜又咳又發燒，叫佢食藥唔肯食，要氹話食咗藥有唧唧冰食至肯食藥

所以一夠鐘要食藥，又要食唧唧冰送藥

阿B 見媽咪飲維他檸檬茶，佢又話要飲，佢叫檸檬茶做Lemon Juice

食咗兩日藥，終於好番好多，阿B 仍然鍾意睇呢套K-Pop Demon Hunters，佢其實鍾意裡面啲歌，呢日佢要求媽咪幫佢紥條辮，佢要扮劇中某主角，之後佢又隨歌起舞

食甜筒又食到變薛家燕，哈哈

阿B 用個髮夾夾住隻手指，佢話佢切生果嗰陣切親隻手指，要黐膠布，隻髮夾就係塊膠布，佢又幾叻角色扮演喎，哈哈

終於又到Weekend，可以去街街，又先去食嘢

之後去遊戲咭舖，遇到狗狗

再去行水族舖，裡面又有貓貓

到咗Sunday，呢日落好大雪，阿B 又有得出去玩雪

一落大雪，連我哋唐人街都水靜鵝飛

啲雪落足兩日，到咗星期一，女婿出去架車掃雪，帶埋阿B 出去玩雪，爹哋攞個女嚟做掃雪刷嚟掃雪

因為太厚雪，女婿唔駛返工

又買咗條新浴巾畀阿B，又係佢鍾意嘅卡通公仔

天氣終於放晴，雖然停咗雪，但出面週圍都係積雪，都係少出街為妙，留係屋企自己玩

阿B 一眼瞓就要扭食奶奶

阿B 同媽咪玩遊戲卡，Macy 家姐又嚟陪玩

出面啲雪咁厚，真係有排至溶得晒，Mittens 平時最野性，成日都想出街，今日阿姐特登放佢出去後Yard，睇吓佢有咩反應

我好驚Mittens 會跳咗出去喎，好彩阿姐趕佢返入屋

Hugo 仔敏感糧體驗 + 食魚魚

10月嗰陣Hugo 仔肚疴，佢食完個療程藥之後就好番，不過仍然係疴軟便，我講過特登訂咗啲腸胃敏感糧返嚟畀佢試吓食，睇對佢有無幫助，不過啲敏感糧仲未送到嚟時，我請教過依家仲讀緊獸醫，阿姐個M 表妹，問佢有無咩可以幫到佢，咁M 表妹教話試吓煮雞飯，咁特登買雞胸肉蒸熟再撈飯畀佢食

佢都肯食，不過唔食得多

反而黑糖仔就好鍾意食，見Hugo 仔麻麻地鍾意食就無再整畀佢食，而且都係疴軟便

啲敏感糧終於送到嚟，有乾糧同罐頭

初初佢好鍾意食，可能係新口味啦，但食咗幾次就唔再鍾意食

依家唯有一見佢走堆個兜度食乾糧嗰陣，就放啲敏感糧溝埋啲普通乾糧迫佢食，不過佢好鬼精，會唔食食隔離嗰兜，所以每次都要攞走附近啲兜，佢無得食其他就唯有照食，我仲要睇實佢食，而其他貓又好想食啲敏感糧，無得食就反而好想食，其他貓見佢食完行開，就會埋去執死雞

雖然佢唔係完全食敏感糧，但見佢啲便便都開始有好轉，無肚仔唔舒服，心情靚靚，都多啲黐人

伸脷仔，So cute

直到近排，佢啲便便已經好靚，不過佢疴啲便便真係好鬼臭，每次一嗅到大便味，就知係佢去疴臭臭

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

仔仔爸怕腥所以比較少買魚返嚟食，咁啲新鮮游水魚佢都會食嘅，某日佢買咗條側魚返嚟食，佢先砌部份出嚟蒸畀啲貓地食

最後得Chewy 鍾意食，所以話貓唔一定鍾意食魚

佢哋唔鍾意食仲好，咁唔駛分畀貓地食，我可以食多啲，哈哈