成日落大雪

續再上個星期六阿B 打完Golf 之後，嚟到星期日，因為落雪所以無出街，留係屋企度hea

食之前係個Mall 度買嘅炸雞

之前女婿唔舒服，傳染咗畀阿B

阿B 都話係爹哋傳染畀佢，令佢唔舒服

阿B 原本食咗一次藥好少少，點知到半夜又咳又發燒，叫佢食藥唔肯食，要氹話食咗藥有唧唧冰食至肯食藥

所以一夠鐘要食藥，又要食唧唧冰送藥

阿B 見媽咪飲維他檸檬茶，佢又話要飲，佢叫檸檬茶做Lemon Juice

食咗兩日藥，終於好番好多，阿B 仍然鍾意睇呢套K-Pop Demon Hunters，佢其實鍾意裡面啲歌，呢日佢要求媽咪幫佢紥條辮，佢要扮劇中某主角，之後佢又隨歌起舞

食甜筒又食到變薛家燕，哈哈

阿B 用個髮夾夾住隻手指，佢話佢切生果嗰陣切親隻手指，要黐膠布，隻髮夾就係塊膠布，佢又幾叻角色扮演喎，哈哈

終於又到Weekend，可以去街街，又先去食嘢

之後去遊戲咭舖，遇到狗狗

再去行水族舖，裡面又有貓貓

到咗Sunday，呢日落好大雪，阿B 又有得出去玩雪

一落大雪，連我哋唐人街都水靜鵝飛

啲雪落足兩日，到咗星期一，女婿出去架車掃雪，帶埋阿B 出去玩雪，爹哋攞個女嚟做掃雪刷嚟掃雪

因為太厚雪，女婿唔駛返工

又買咗條新浴巾畀阿B，又係佢鍾意嘅卡通公仔

天氣終於放晴

阿B 一眼瞓就要扭食奶奶

啲雪咁厚，真係有排至溶得晒，Mittens 平時最野性，成日都想出街，今日阿姐特登放佢出去後Yard，睇吓佢有咩反應

我好驚Mittens 會跳咗出去喎，好彩阿姐趕佢返入屋