4 貓B 入室三週年

上個月21、23號係芝麻、花生、黃糖、黑糖入室三週年，我成日都會諗番起佢哋初初嚟到呢個屋企，細細隻又怕人個樣

尤其係黑糖仔由最怕人，到依家會黐我，亦都無咁抗拒畀我錫錫

我係床上用電腦睇劇，我係被下面腳郁郁，佢就鍾意撲嚟捉，到依家佢都仲鍾意玩呢個遊戲

佢好少會瞓到咁坦蕩蕩

佢係個痴漢，佢好鍾意Chewy，成日都鍾意跟住佢，鍾意黐住佢

佢見Chewy 黐住我，佢又走上嚟黐實佢

黃糖同花生，身型直追Mango 仔，尤其係黃糖，所以Mango 仔成日都捉住黃糖嚟玩

依家最大隻、最肥、肚腩最大就係佢

我好鍾意摸佢個大肚腩

佢係度玩Mocha 姐條尾

當初仔仔爸驚芝麻唔靚，帶佢去咗Shelter，驚佢無人要，其實芝麻都好靚女

芝麻只愛黐我，因為老豆負責捉佢哋剪指甲，所以佢唔鍾意老豆，但都會畀老豆梳吓毛

佢又上床陪吓我，畀Mango 哥玩佢條尾

呢粒花生，我成日覺得佢個樣似馬騮

我到依家有時都要望清楚，至分到佢倆個

由細到大，佢哋四個感情都好好

真係好懷念佢哋小時候嘅樣子