之後我哋先去Gift Shop買嘢比大表姐(我二家姐移民咗去澳州個女)，佢話要米奇碟，買完佢哋就先走，我哋就自己去玩
我上次同阿姐o黎時係2007年，有啲遊戲都曾經玩過，阿姐最難忘係睇“幸會史廸仔”，佢話要再睇一次
阿姐好鍾意Winnie the Pooh o架，所以睇完Stitch就想去玩“小熊維尼歷險之旅”，但見好多人排隊，以前o黎時又玩過，所以無玩
我話梗係去玩啲新開o既遊戲啦，所以去玩“灰熊山極速礦車”
又真係好刺激又好玩，跟住去玩“迷離大宅”
之後我哋就等睇夜間巡遊
我話上次o黎無睇放煙花，所以要睇埋煙花至走，咁仲有時間，返去見到 “小熊維尼歷險之旅”唔係咁多人排隊，所以去玩咗一轉
玩完見好多機動遊戲都無咩人排隊，所以又去玩，呢啲機動遊戲真係好耐無玩過
係咖啡杯同旋轉木馬
仲想玩小飛象，不過已經close了
仲有時間，阿姐要去睇Winnie the Pooh精品
夠鐘去睇放煙花
一睇完就襯人潮開始散就嗱嗱淋搭車走人了
阿姐都玩咗好多嘢喎！XD
回覆刪除我哋成四點至入去，好彩最後嗰啲唔駛點排隊，至可以玩咁多嘢
刪除玩得好開心喎,我上次去就慘撞正打風所有戶外機動都冇得玩
回覆刪除咁唔好彩，點解唔改期去﹖
刪除嗰日生日呢
刪除同海洋公園一樣，生日嗰日免入塲費﹖
刪除阿姐好有童心
回覆刪除雖然已經21歲，但都好似小朋友咁
刪除比起美國，香港的迪士尼細好多呢
回覆刪除美國嗰啲我未去過，年紀大了，好多刺激都唔敢玩，都係至在去行吓睇吓唧
刪除我都鐘意 Winnie the Pooh 架 , 所以一定坐佢隻船玩 , 見你哋玩得咁開心 , 仲睇埋煙花先走 , 好盡興呢~!!
回覆刪除同阿姐一樣，我哋成四點至入去，至可以玩埋啲小朋友玩o既機動遊戲
刪除迪迪尼開左咁耐真係無去過
回覆刪除差唔多成$500張飛，真係幾貴，好彩我唔駛錢
刪除嘩!!!咁貴呀, 點解你唔駛錢嘅??
刪除我三家個女同女婿係度做o架嗎，唔係要幾百蚊，仲要咁晏至入去玩咪嘥晒
刪除去到樂園大人細佬都咁開心。
回覆刪除就算係老人家去度，見到啲環境咁靚，見到啲人玩得開心，都會開心
刪除