終於回暖了

呢個星期終於回暖，只係朝早頗為涼少少，加件薄外套就可以了

見咁好天氣又咁暖，橫掂早收工，開始選擇行 Manhattan 橋返屋企

橋外o既景色，對面嗰條就係Brooklyn 橋

其實我就住係Brooklyn 橋旁啡色嗰堆政府屋村，見到最高嗰楝就係新世貿中心，由我屋企行過去都唔係好遠o架咋

一落橋就係唐人街，係孔子大廈前種咗好多櫻花樹，都已經開咗花，之前個星期都仲未見有花，點知天氣一暖，啲花就狂開了

除咗櫻花，好多地方都見到盛放o既花蹤

我屋企樓下嗰棵櫻花樹已經開得好燦爛

最記得情人節嗰兩日好鬼屎凍，兩隻黑兄弟都難得係梳化黐埋一堆

我係廳睇電視都要著埋羽絨背心，攞埋張被出o黎冚，連Marble 仔都走上我大髀吸取溫暖

今日又係行返屋企，通常我一放工就會返屋企餵三貓，見天氣咁鬼好，成日見某日本Blog友post 去Coffee shop坐坐，悠閒咁嘆番個tea，所以我又學吓佢，嘆番個tea，一邊食tea、一邊睇吓小說扮吓文青，哈哈

等回暖真係等咗好耐，因為我個人好怕凍，氣象真係亂晒，到四月尾至o黎回暖，我都盡量環保，為地球盡少少o既棉力，諗起啲北極熊都好難生存，真係好鬼sad