阿Pat話比我知佢之前去咗唐人街附近嗰間Shelter 做義工，早排佢帶咗隻貓返屋企照顧，佢叫阿Flo
早排阿Flo 耳仔發炎，所以返咗Shelter，佢話佢會再帶阿Flo 返屋企
其實阿Pat本身鍾意狗，一直都想養狗，但佢單身一個人住，佢覺得養寵物會困身，佢自己都好多嗜好，怕自己比唔到多時間陪啲寵物，佢去做咗義工，可能係緣份啦，佢覺得阿Flo 好乖，佢好鍾意阿Flo，曾經有個女仔想領養阿Flo，阿Pat都覺得個女仔會好好對阿Flo，可惜係個女仔未夠年齡可以領養佢
阿Pat 接咗阿Flo 返屋企，就通知我哋，我哋就去阿Pat 屋企探阿Flo
一入到屋，阿Flo 一啲都唔怕陌生人，好靚女，啲毛又好滑
帶咗個貓抓板同啲零食做手信
當日可能天氣熱，佢無覺好瞓，所以阿Flo 都好似無咩精神，都唔係好想玩咁
我哋當然好樂意啦，又可以再去咸阿Flo，阿Flo 又真係好乖
要快啲餵藥佢食，因為啲藥要空肚食，阿Flo 已經好肚餓
本身阿Pat 無咩養貓經驗，所以今次餵藥我哋教佢用毛巾包住阿Flo，等佢唔怕佢會太掙扎
之後即刻開罐頭比佢食
今次我又攞咗個貓草包比阿Flo 玩，阿Pat 話阿Flo 好鍾意玩小老鼠，我又送上一包小老鼠比佢玩
之後阿Pat 話佢自己餵藥都ok，阿Flo 只係有少少掙扎，阿Pat 到依家都好心大心細想收歸阿Flo 國有，但佢都有好多顧慮，佢8月又會返香港出席屋企人o既飲宴，咁仔仔爸話咁到時帶佢返屋企幫佢湊，不過都係等阿Pat 自己諗啦
再早前仔仔爸送貨去人哋個倉，見到人哋有兩隻貓仔，佢話佢好想“老笠”佢哋返屋企
早幾日放工經過樓下間西超市，見到佢隻貓走咗出o黎，真係好耐無見佢了
都仲係咁型仔
阿 Flo 食藥都冇乜點掙扎, 好乖呀, 我都好希望阿 Pat 可以領養阿 Flo, 我覺得佢會係一個負責任嘅主人
回覆刪除佢真係好乖，可能係女仔，比較文靜，如果阿Pat 領養佢，我哋咪可以成日見到囉
刪除唔知你家三位仔仔見到靚女會點呢😁
回覆刪除我都好想知，嘻嘻
刪除阿Flo好靚女喎，只有頭頂有少少黑色，好得意呀
回覆刪除原來仔仔爸仲想養多幾隻架?
依家無人反對，想養幾多隻都得啦，而且有幾個仔，佢恨囡囉
刪除Flo 小姐真係又乖又靚女
回覆刪除又靚女又文靜
刪除Flo好靚女 ^3^
回覆刪除仔仔爸好有愛心 ^~^
靚女一名，仔仔爸想湊貓B，貪貓B夠活潑
刪除阿Flo d 毛色好得意，好似齊陰。食藥都好乖!
回覆刪除你d 手信好呀！岩晒貓奴，好過送d唔等洗既嘢!
呢隻蝙蝠貓好熟口面，你之前介紹過？
佢啲毛色又真係幾得意，佢尾尖尖都有灰色o架，其實我都係借花敬佛，見有多就送比佢玩，我第一次介紹呢隻貓蝙蝠貓咋
刪除FLO的毛好靚，是一隻乖寶寶。
回覆刪除佢真係好乖，可能係女仔，所以比較文靜
刪除Pat嘅顧慮代表佢好認真考慮成件事，尤其一個人住而又會經常出門，考慮清楚都係好事！:)
回覆刪除養寵物真係要停一停、諗一諗
刪除齊陰女仔好得意，純嘅貓餵藥冇難度
回覆刪除因為佢惡極有限，哈哈
刪除你老公真係好鍾意貓貓喎。
回覆刪除係呀，鍾意貓仲多過鍾意我，哈哈
刪除作者已經移除這則留言。
回覆刪除Flo好靚女呀, 你落左D咩係板塊度呀??佢咁high嘅, 好好笑呀
刪除我都係好鐘意貓同狗, 不過一定唔會養, 覺得自己唔會有時間陪佢, 佢會好慘
係啲貓草粉，所以咁high，除咗去旅行，妳會有幾忙呢﹖
刪除我男朋友個屁屁好似生左針咁, 係屋企坐唔定架, 所以都好少係屋企, 以家通常都係去做gym
刪除有無消息FLO好番未?
回覆刪除佢已經好番晒了
刪除阿Flo好乖巧^0^
回覆刪除我覺得佢好文靜
刪除Flo 真係幾靚女 , 希望佢早日康復呢~!!
回覆刪除佢已經好番晒了
刪除