出發前一日，阿姐同男友仔、室仔友加多個男友仔朋友，返o黎屋企食飯兼瞓一晚
阿姐第一次見奇奇，奇奇真係一啲都唔怕人，係人都肯黐
食完晚飯，佢哋去唐人街買雪糕食，我就準備班男生o既床舖， 天師仔話要先瞓為快，哈哈
第二朝，阿姐出門口前，Marble仔去黐吓阿姐
今年大伯一家無去，但多咗阿姐男友仔幾個男生一齊玩，一早出發就先直接去 Bushkill Falls 睇瀑布同行山
裡面分咗幾條顏色o既路線，比大家參考吓想行幾多路程同睇幾多景點
呢個Bushkill Falls 需要比入塲費，入塲前有啲展覽室睇吓
入塲時又有好多動物標本睇
入到去就係由呢啲木梯沿住瀑布邊行，一邊欣賞瀑布，一邊睇睇周圍o既樹木
好快就見到其中一條最大o既瀑布
當日天氣好好，又唔係太熱，又唔太曬，兼且沿住木道，多數都有樹蔭，所以係行得好舒服的
只係最先因為行咗落去，再行番上去時就比較辛苦
行番上去，望到遠遠o既山景
之後再行去搵其他瀑布，間中會見到小溪，見到野箘、昆蟲，但一隻野生動物都見唔到，連松鼠都唔見
我哋行咗一個細圈就返出去，都係大約行咗兩個鐘頭
阿姐返嚟之餘仲會帶埋幾個朋友join你地嘅family trip，證明你地一家好close亦好接受阿姐嘅朋友，同d後生打成一片，係好貼心嘅父母呢。:)
回覆刪除都無所謂，後生有後生玩，我哋幾件老嘢咪自己邊行邊傾囉
刪除風景好靚呀, 呢 d 短程嘅行山遠足我都好鍾意
回覆刪除真係唔錯，全程都有樹蔭，行得好舒服，係啲沙石地要小心啲行，呢啲遠足我都鍾意
刪除真係唔錯喎 襯埋條木梯，好靚呀，都想問吓你行上定行落，原來上落都要，上都好甘喎😀
回覆刪除環境真係唔錯，近瀑布時，啲空氣都係涼浸浸，最慘係要行樓梯，真係好甘o架
刪除d景好正!而家行熱唔熱?Marble仔有無呷阿姐醋?
回覆刪除嗰度幾乎全程都有樹蔭，唔覺熱，係要行啲沙石地要比較小心
刪除Marble仔唯有黐多啲阿姐爭吓寵囉
風景真係靚呀!
回覆刪除你地去玩, 邊個幫手照顧貓地?
嗰度風景真係唔錯，仔仔爸留係屋企湊仔，每次要過夜o既節目，佢都無份去，但錢就佢出，哈哈
刪除一大班人去玩，梗係高興啦。祝中秋節快樂，一家團團圓圓，生活愉快。
回覆刪除都算玩得好開心，中秋節快樂呀
刪除有山行，好好玩呀
回覆刪除行得好舒服唔辛苦，好正呢
刪除生女福利！
回覆刪除我諗女有節目會預爹娘，仔就會自已去咗玩
刪除原來阿姐第一次見奇奇咋?其實阿姐最鍚邊個細佬呀?
回覆刪除阿姐最愛Charco仔
刪除一隻野生動物都無? 咁奇怪呢~!!
回覆刪除最奇怪咁多樹連一隻松鼠都唔見，我屋企樓下成日都見到
刪除