慢慢至開始坐出啲張毛毡度
佢一見人入房，有時又會即刻匿番入最裡面，所以阿姐要慢慢“爬”埋去接近佢
終於開始敢出o黎食嘢，其實佢唔係咁鍾意比人餵，佢鍾意自己食
比玩具佢玩都無咩反應
佢到依家除咗係床底，只會去窗台
年三十晩，我要幫阿姐換過晒啲床單、被袋，所以叫阿姐抱Chewy 入我房
又驚到匿係窗台
之後婆婆我又乘機抱吓
Chewy四個舅父，只有奇奇舅父對佢最有興趣
成日“捕”係門口想見佢
成日想跟埋入房
依家奇哥仔無得入房陪阿姐，只有轉移陣地，入我房瞓
佢到依家都仲係一到夜晚就喵喵叫，試過佢阿娘都怕咗佢，情願出廳瞓，哈哈
我睇報紙、食三文治時，都會特登入房陪住佢，等佢習慣我哋o既存在，我仲會摸吓佢個頭，其實佢都鍾意人摸佢頭仔，摸個身、手仔就會有少少驚，不過依家都開始習慣少少了
其實睇佢咁o既情況，都預咗佢需要好長o既時間至能適應係呢度，我哋係唔會強泊佢的，一定會慢慢o黎，最希望佢唔好再夜晚喵喵叫
一開始睇錯咗以為你地同Chewy改咗個花名叫 Chewy O, 好似Cheerio 咁，哈哈！
回覆刪除晚晚喵真係難搞呀，佢仲係驚驚呢！
仲未習慣
刪除一下子有家、有家人、有咁多位舅父、有幸福…从没到有，佢紧係要时间去适应啦
回覆刪除呢個當然明白，不過睇佢個性，真係仲有排囉
刪除晚晚喵喵叫, 會唔會仲未慣入屋, 仲想出街玩 hehe
回覆刪除佢仲未慣，唔慣係室內
刪除Chewy 妹妹仲好怕醜咁呀. 可能仲掛住媽媽
回覆刪除係有少少怕羞，習慣係室外，突然要困係室內，當然唔習慣
刪除一定要有耐性俾佢慢慢地適應, 放個紙盒係床下俾佢瞓, 多d安全感
回覆刪除我唔會迫佢o架，等佢慢慢o黎
刪除仔仔家的小公主😊
回覆刪除外公都叫佢小公主，不過小公主最怕就係外公
刪除哈哈
刪除慢慢便會適應啦，呢到有咁多朋友仔
回覆刪除開始開放啲舅父探吓，暫時佢最唔怕天師舅父
刪除入屋後環境唔同晒，小公主都好乖。除左晚上叫，都冇攪破壞。斯文女！
回覆刪除唔知係咪發情，成日叫，仲叫到好大聲，比佢搞到無覺好瞓
刪除慢慢啦, 佢流浪期間可能曾受過其他貓公嚇過, 一入屋有3隻大貓, 唔惡反抗已經好好..
回覆刪除依家四貓對佢都無咩反應了
刪除真係要比D時間佢融入家中！
回覆刪除相信仲有排，希望佢絕育後會好啲
刪除佢四隻腳白雪雪 , 好可愛呢~!!
回覆刪除手仔著白短襪，腳仔著白長襪，哈哈
刪除