Chewy發情了

Chewy o黎咗幾個星期，其實原本應該要襯早同佢做check up，同埋絶育，但一來阿姐成日都唔得閒，二來見佢成日喵喵叫，知佢仲未習慣，仲係驚，所以唔敢咁快同佢做check up，怕再嚇驚佢

繼續匿係床底

 

 

開始慢慢走出啲

走上窗台

可以開始摸頭仔、摸頸、下巴

但依家出事了，佢開始發情，見佢難得走上張床度

仲碌o黎碌去

 

我已經開始懷疑佢係咪發情，最後見佢係度翹pat pat，咁十成十一定係發情了

發情後，之前佢只肯比人摸頭、摸下巴，摸個身，唔係唔摸得，但會比較抗拒，但發情後個身可以摸之餘，仲鍾意人幫佢 R pat pat

知佢發情其實好辛苦，唔係怕人都比摸pat pat，唯有盡量幫佢 R 吓，得佢舒服啲

但最慘o既係，佢一到夜晚就大叫，平時夜晚都已經叫，佢依家仲要大叫，真係比佢搞到成晚都無得瞓，希望佢快啲發完，到時點都要阿姐比時間帶佢去絶育，咁大家以後都唔駛咁痛苦

前日情人節，今年見阿姐係度，就搞吓嘢啦，之前見老番超市，Pack 裝雪藏龍尾做特價，買定二pack 返 o黎，因為仔仔爸鍾意食龍蝦

一嗅到海鮮味o既Charco仔，已經第一時間走埋枱度哄

Charco仔問︰點解我無得食，因為唔係清蒸係蒜蓉蒸，所以你咪唔可以食囉

我仲去買咗個蛋糕返o黎，Sweet 吓 o忝

年三十嗰晚，自從奶奶走咗，我哋過年都唔會做節，咁啱阿姐嗰日休息，又要去幫貓地入貨

諗住橫掂出開去，就係外面食飯當團年，原先想去Food Court 簡單食就算，點知連 Food Court 都早收，咁見到有間食台灣嘢，有個酸菜碢，阿姐話想試吓

仔仔爸點咗阿姐唔食o既臭豆腐

之前話過依家少同阿姐聯誼，咁阿姐返完星期日早班，至返星期一夜班，之前見有派傳單，開咗間食炸魚薯條，阿姐見有蟹餅，話想試，嗰日阿姐又要去銀行入check ，所以約咗佢我放工係唐人街等，去到阿姐見原來係唐人開的，就話買番屋企食，唔堂食了

奇哥仔o黎偷食呢

啲蟹餅都可以o既，啲炸魚就唔得囉，都唔會再有下次