食法國菜

父親節喎，阿姐點可以唔返o黎同老豆慶祝呢，唔怕比老豆話佢大細超咩

星期五晚等埋阿姐同男友仔返o黎至開飯， Marble 仔又去黐實哥哥了

奇哥仔襯佢哋食緊飯，先去阿姐房上床hea

食完飯，阿姐就去搵女，Chewy 又唔認佢阿娘了，但講到有得玩，邊個同佢玩都無所謂

之後阿姐又同男友仔落街食糖水，奇哥仔繼續留守阿姐床，而天師仔去霸住咗哥哥個袋呢

第二朝，我去叫醒阿姐起身，佢話要試Chewy 每朝的扭食坐大髀

睇，為咗食，佢都好似唔理係邊一個，都即時坐上人大髀

咁就梗係逗得阿姐開心啦，之後一開餐就唔理人了，阿姐就返入房繼續瞓，一行入房，就見Marble 仔係床上面，佢係想等哥哥起床嗎﹖

阿姐倆瞓醒，見到奇哥仔係窗台、Marble 仔就瞓係床邊貓床度

又見到Chewy 係走廊度裝佢，好似想阿睇吓阿娘會唔會出o黎同佢玩

之後我同仔仔爸就出門口返工，行去Parking Lot 時，遇見屋村隻黑白貓

收工返到屋企，餵埋貓地，等齊人返o黎，就出發去食父親節飯，上次去食德國菜途中，講起食法國菜，所以阿姐決定請佢老豆食法國菜，仲訂埋枱o忝

出門口前見到Marble 仔已經走咗入浴缸瞓覺了

就係呢間法國餐廳

 啲Dinner Set 又唔係好貴喎，我哋叫咗三個set，加多一個限定o既Main Course

先送上呢個係用o黎配麵包

阿姐話好似貓罐頭啲貓糧呢，哈哈

三個Appetizer，最上面嗰碟蟹餅就最好食

阿姐點咗紅、白酒各一杯

Cheers

食完前菜，送上一小杯湯，我即刻學啲武林人仕舉杯話飲勝，wakaka

Main Course

食甜品前又送上一碗餅干、曲奇

啲甜品賣相都唔錯

食飽就返屋企，阿姐想同個女多啲親近呢，唯有用玩具引佢囉，但一講到要摸摸，就no way

只比婆婆摸，真係激屎阿姐

唯有繼續努力引佢埋身

今朝阿姐同男友仔行咗陣唐人街，返o黎見到我抱咗Chewy 係大髀坐，見佢咁乖豬，好羨慕呢

阿姐話佢哋唔係度食晚飯，想早啲返康州，所以一齊去咗食個遲Lunch，走去食米線

呢個涼伴百葉，上次阿姐男友仔好鍾意食，佢又唔怕食內臟，覺得好食，雖然辣都情願一邊飲水、一邊食

呢個係上次唔記得影相嗰個南瓜餅，一碟有5 個，呢個南瓜餅，真係好好食

食完我哋就返屋企，阿姐倆就執嘢走

阿姐話我知，佢哋住嗰度屋後yard 進注咗一隻土撥鼠，阿姐仲週不時食佢食生果

 真係好得意呢

阿姐仲話呢排見到有三隻土撥鼠BB o忝

阿姐話某一個星期六，佢出去前yard 度睇書，佢個鄰居抱咗佢兩隻貓仔比佢玩

好可愛呢