8號風球

繼續之前....

貓友同我一齊搭車返葵興地鐵站，咁我就call 三家姐同姨甥女係邊，佢哋去咗荃新天地Uniqlo 買嘢，所以我就搭地鐵去荃灣Join 佢哋，之後去咗荃灣新開嗰間IKEA 度行吓，當日係星期五都算多人行，我哋買咗雪糕同熱狗食

之後我哋去新港酒樓飲下午茶，個烤夫好似食緊甜齋咁

之後我自己去伊利莎伯醫院探我另一個姨甥女，係四家姐個女，佢突然有糖尿病，已經住咗幾日醫院，今日至有時間去探佢，去到見到大家姐都係度，後來同大家姐一齊走，陪埋大家姐去搭車至去搭地鐵，搭地鐵時Call 三家姐問佢哋去邊度食飯，我話想食潮州嘢，咁姨甥仔話香車街街市樓上有潮州嘢食，佢之前試過都ok，所以我哋約係香車街街市等，行去IKEA 前都有經過香車街街市，三家姐話佢都甚少行o黎呢一邊

蠔餅我必點

仲有鵝腸

呢個糯米蒸蟹，隻蟹又細隻又無肉，可能蒸過咗籠，啲糯米硬挖挖，唔好食

食完飯行返屋企順路去松記食甜品，不過覺得差咗

到星期六，姨甥女同佢朋友一齊團購咗BB影樓相，我哋一齊搭地鐵去荔枝角

先影自己帶去嘅服飾，仲要係母女裝

揀咗兩個造型，呢個為食妹，要用嘢食至氹得掂佢

佢開始眼瞓，開始氹唔掂

後來攞個生日蛋糕出o黎，佢真係老實唔客氣係咁食
 

咁等埋姨甥女個friend 一家影完，我哋一齊過對面工業大廈嗰間程校長食台灣嘢，啲嘢又真係唔錯食

之後三家姐、姨甥女就搭車返屋企，當晚我又係約咗另一個貓友係荔枝角等，所以我又週圍行吓，見到一楝工廈全新裝修得好靚，入去行吓，裡面好多精品店舖

行向長沙灣方向，見到一隻舖頭貓，不過佢唔睬我

佢個樣似我孫女Mittens

夠鐘就行番轉頭，係巴士站等貓友，之前我托呢位貓友向另一位貓友訂購咗魚扒，約佢出o黎交收，當日佢仲約咗啲舊同事一齊食雞煲，叫埋我

我覺得個雞煲無我上次係一品雞煲嗰個咁好食

但條魚就好好味呀

到咗星期日點知打8 號風球，我原本約咗圓丸媽去西營盤某Cat center 幫手做義工，點知去唔成

瞓到晏一晏就落平台酒樓飲茶，平時酒樓有下午茶點心特價，但因為打風所以就無咗呢啲優惠

好耐無食過錦鹵雲吞了

夜晚嗰餐都係去平台食

呢個星期就報導完畢