呢個星期日,約咗兩個貓友出o黎見面,其實之前返香港都見過面,但今次約見面係因為要見吓佢哋啲小朋友,因為上次見面時,啲小朋友都仲係媽咪個肚入面,今次約咗係荃灣廣場PIZZA EXPRESS 食午餐
食完陪佢哋行一陣商場,貓友教我搭巴士入紅磡,約咗之前入院嗰個姨甥女見面,先一齊去茶餐廳食過下午茶餐,返o黎香港都未食過西多士,點都要食一次先
之後去黃埔附近行,又行咗入九號水產度行吓,不過掛住同姨甥女傾計,都唔記得影相
行完九號水產,我哋就行入都會海逸酒店,坐係Lobby 等姨甥女個男朋友仔,姨甥女要介紹佢比我識
我哋行出去酒店外海旁邊睇吓夜景,都好耐無去紅磡,當年阿B 阿娘都係喺呢間酒店出閣
之後阿男友仔要去返教會走先,但約定一齊食晚飯,咁我同姨甥女又繼續週圍行吓,姨甥女另外又約咗個朋友一齊食飯,佢個朋友介紹去紅磡嗰間聚寶海南雞,我哋一路行過去,途中經過一個小公園,發現咗隻貓,見佢怕人,都唔敢打擾佢
去到姨甥女個朋友已經到咗,我哋先叫嘢食
另一個星期開始,又係湊阿B 時間,又係等細妹個碗車仔麵
呢晚又係平台食
到星期二,哈,湊埋呢日我就甩難啦,呢晚兩個姨甥都唔返o黎食飯,咁三家姐求其買個飯盒,炒碟雜菜一齊食,呢晚細妹放咗工上o黎瞓
到星期三朝早,我自己走去茶餐廳食早餐,再買埋外賣早餐上去比佢哋食
等佢哋一食完,換埋衫就攞行李落樓下,等call 車去機場,係機場Join 埋阿Pat 就入閘,我哋五大一B,齊齊去韓國首爾玩幾日
落咗機行去搭機鐵
今次我哋住弘大附近
姨甥女Book 咗住民宿
上下兩層
安頓好晒,我哋就行去弘大搵地方食晚餐
呢間啲嘢都幾好食
食飽晚餐,行返民宿休息
途中經過麥當奴,姨甥女話要買限定朱古力批,我都覺得幾好食,點解美國唔出嘅
在香港都可以去轉首爾真好,好充實。我下次再去首爾都考慮住弘大,食店多又夠地道。
回覆刪除聽人講明洞嗰邊啲嘢都比弘大貴,如果想買化粧品,弘大都好多又平
刪除聽說弘大夜晚好熱鬧, 我上次同佢緣慳一面, 下次一定要去行吓
回覆刪除係呀,都好熱鬧架,加上我去嗰陣近萬聖節,真加熱鬧
刪除紅磡我老巢喎, 係荃灣坐巴士去紅磡, 有無坐到天荒地老嘅感覺呢? XD
回覆刪除荃灣去紅磡都唔算坐好耐車唧
刪除間民宿夠光猛,睇落亦整齊企理,住都住得安心啲!:)
回覆刪除都好企理呢,上層厠所就有啲頂頭囉,係隔音差啲
刪除民宿好整潔!
回覆刪除都算唔錯,只係隔音太差,我哋成日比人話我哋嘈
刪除