阿姐生日飯

上個星期五返工，我同事送咗盒嘢比我，話比我家貓貓玩的

Chewy又走埋嚟八

係貓草壽司呀，又靚仲好得意呀，有啲唔捨得比貓貓玩o忝

我呢個同事都好鍾意貓貓，但佢屋企人唔比養

星期六係阿姐正日生日，所以佢星期五放咗工就同男友仔一齊返嚟，因為下個星期，阿姐同男友仔會去Las Vegas 玩一個禮拜，所以順便帶埋Macy 同Mittens 嚟渡假

阿姐出門口前send 咗幾張相比我

呢張相阿姐話Mittens 好似知道要入貓袋，所以佢匿埋咗係條隧道裡面，好搞笑

最後只有Macy 入貓袋

Mittens 就抱住坐大髀，因為知道佢唔鍾意困住，但Mittens 最後都驚到瀨咗尿

佢哋到咗樓下，就call 我同仔仔爸落樓，因為要換個車位比佢哋，我就幫佢哋手攞嘢

一入到屋

Macy 有啲驚，行咗去梳化旁條罅度

見Macy 都唔算太驚，所以先抱咗Mittens 返房先，後來見到Macy 已經自己走咗上個架度八

佢好鍾意人摸摸的

抱Chewy 去見吓呢位肥家姐，Macy 驚驚呢

後來都係帶番佢入房，Chewy 係床褥後面裝裝吓

Mittens 就驚到匿係床底

Macy 就無有怕，週圍八

見到最愛嘅貓抓板，而且塊貓抓板之前放咗啲貓草上去，所以佢又high 咗一輪

但係始終都係新環境，佢哋唔肯食嘢，Mittens 驚到見貓就fee，驚到連阿媽Macy 都唔認得，Macy 行過都照fee，嗰晚困住佢哋同我係房瞓，Macy 都有係床尾瞓吓覺，我就覺得Mittens 應該都無點瞓覺，成晚都匿係床底

先唔再講兩粒孫先，瞓醒星期六，男友仔又要去飲茶，經過唐人街，繼續封街有舞龍舞獅慶新年

呢日預咗去搵位飲茶都有排等，飲飲吓茶都有舞獅助慶

飲完茶，我陪佢哋行咗一陣就先返屋企湊貓，佢哋去買啲嘢至返屋企，坐到夠鐘就出發去食飯

阿姐揀咗食秘魯菜

呢餐生日飯原本順便預早慶祝埋仔仔爸3月頭生日，點知叔仔又話出嚟食，姑仔又話嚟，既然係咁，不如叫埋大伯，順手一次過做埋其他兩個表妹嘅生日，因為大家都只係相差幾日

最出名就係燒雞

阿姐男友仔話想食雪葩，order 時同個待應講咗阿姐今日生日，當個待應攞個雪葩出嚟時，佢叫埋其他待應，拍晒手，唱埋生日歌呢

食完飯大家都意猶未盡，仲話要去食甜品

估吓我食咩﹖

.

.

.

.

.

.

.

.

.

.

.

 其實我已經好飽，但見到有中式糖水食，就叫咗個芝麻糊同仔仔爸Share

終於都曲終人散，要返去安撫兩粒孫先