今次呢隻細膽貓大膽咗喎
襯最後一日去行吓荃灣買啲嘢
某日行出去荃灣時，路經一條後巷，遇見兩隻應該係食肆嘅貓，好親人，又鍾意食我比嘅零食
但之後再行過，都無再遇到佢哋，有時係荃灣，都會遇到其他舖頭嘅貓
之前姨甥女比咗張麥記Coupon 我，聽日就到期，唔想嘥咗佢，所以特登去麥記用咗佢，我覺得唔好飲，早知轉飲榛子咖啡啦
跟住走去剪頭髮，臨返屋企前，去麵舖食多一次雲吞麵
之前二姐夫話多謝我特登返o黎同佢老婆做生日，話一定要請我食餐飯，所以就約咗臨走前呢一晚係荃灣稻香食，仲叫埋大家姐，二哥二嫂
食完餐飯，大家都依依不捨咁走
最後一日，三家姐特登推Job 唔開工，送我機，朝早先同三家姐，姨甥女落茶餐廳食個最後的香港早餐
之後姨甥女就去返工， 返上樓等夠鐘出門，同埋細妹一齊搭的士去機場，因為突然話美國安驗問題，要再比平時早一個鐘去機場，其實只係Check-in 時要比人問多啲問題，所以咁早搞掂Check-in，就去飲過茶食啲嘢先
阿Pat 佢自己去買完嘢，見有時間特登趕入o黎機場送我機，見阿Pat 仲未食嘢，我哋叫定個炒米粉一齊食
要入閘了，入咗閘見仲有時間，行過去影吓相先，因為我係喺另一個區度登機
臨上機前又要再過一次安驗
係飛機度，有呢隻名牌雪糕食呢，記得飛返香港時，只有haagen-dazs 雪條
當要離開大窩口時，都有少少唔捨得
雖然要湊住阿B，但襯阿B 瞓咗覺，係屋企摷吓姨甥仔啲書o黎睇，呢個係其中一本，“黃阿瑪”我一直都有睇開佢個Facebook
去韓國前有另一位貓友想約我見面，但最後因為大家都夾唔到時間而見唔到面，但佢寄咗個佢自己所畫嘅貓畫，再印成坐枱年曆，攞o黎義賣做善事
仲有鄰居貓，呢隻上次返香港時已經有的，不過唔係成日都見到
終於都完成呢個香港之旅嘅報導，都唔知會幾時至再返香港，或者下次返香港未必再住係大窩口，(怕咗湊B，哈哈)，點都好，期待下次返香港，見見我親愛的屋企人
下次返嚟時問清楚有冇B湊先 XD
回覆刪除只要阿B 係度都係要幫手睇架啦
刪除我上次最唔捨得就係執行李個一刻, 執執下想 T-T
回覆刪除諗起屋企啲貓，就無咁唔捨得
刪除你都放左兩個月假啦，去左咁多地方玩，又食到咁多美食，跟家人又相處左咁耐，好滿足呢
回覆刪除但無次都要隔幾年至相見
刪除下次再返去，姨甥女返咗學，就好啲呢。:)
回覆刪除我怕唔捨得，所以我每次都謝絕送機。
都係咪啦，要我幫手接放學，咪又係無得週圍去
刪除香港早餐好味呀，我都好鍾意食呢D 早餐 ^^
回覆刪除依家有冇掛住香港呀?
當然有啦，係香港食咩，去邊都咁方便，而且我啲屋企人係晒香港，一定好掛住啦，唔係要搭成十幾個鐘頭機，真係想成日返
刪除期待下回再聚！
回覆刪除一定
刪除