不過都好似唔係好覺有咩懷舊點心食
食完之後返屋企，就hea足全日，休養生息
到第三日，晨早4點幾就瞓醒瞓唔番，係床度磨到7點，其他人都未起身，自己就走落街去茶餐廳食早餐
食完返上樓，等其他人起身，又陪佢哋去再食過早餐
呢日係我姨甥仔間公司贊助一個慈善活動，我姨甥仔有份做義工參加，見係青衣咁近，我同三家姐帶埋姨甥孫又跟埋去行吓
先集合，姨甥仔要等埋公司其他啲義工，我係海旁邊見到有人用麵包餵魚，都好多魚仔喎
有攤位遊戲玩
好快就行完，算係完成任務，之後我哋係碼頭附近間舖頭仔食日本嘢
食飽就返去，我又開始不敵睡魔來襲，又要瞓覺😴😴
好明顯有 jet lag
回覆刪除已經特登坐夜晚返到的機，可以食啲嘢就瞓，兼且又瞓唔慣張床
刪除蒸粉卷已經好少可以在酒樓食到喇，依家的茶樓賣的點心，都好新潮架。
回覆刪除其實點心我都係食黎食去都係嗰幾樣
刪除有時我覺得，喺北美較舊式酒樓食到嘅點心仲懷舊⋯⋯或者係未進化。;P
回覆刪除啲老師傅移晒去美加，所以仲有懷舊點心食，香港嗰啲師傅退晒休，無人承傳
刪除妳好快就會適應番，而且仲好投入添。
回覆刪除可能點都唔係自己張床，都唔係好慣
刪除樓下冰室已冇以前咁正！
回覆刪除試過佢哋既燥肉飯，真係麻麻，但叉燒蛋飯，啲叉燒又ok得喎
刪除