表妹貓Shallot + 貓貓貓

之前咪講過，阿姐個M 表妹讀完獸醫畢業，成為正式嘅獸醫，又係波士頓搵到工作，收養埋隻暫託貓，仲要係有缺憾嘅貓叫Shallot，依家7 個月大

M 表妹P 圖惡搞Shallot 妹，哈哈

月頭M 表妹同佢男友返嚟紐約，當然帶埋Shallot 妹啦，先帶Shallot 妹返表妹男友家，男友仔個嫲嫲好鍾意Shallot 妹呢

返屋企住咗一個星期，Shallot 妹唔算好怕羞，好快就同人熟

有人係屋企至放佢出嚟八，避免其他四貓會蝦佢，始終仲係小朋友，好貪玩呢

早幾日M 表妹帶埋Shallot 妹搬去波士頓，我姑仔話好唔捨得佢，好掛住佢呢

3 月份時，我姑仔跟我二姑奶同佢啲朋友一齊去咗荷蘭同其他地方玩，姑仔係旅行途中都遇到貓貓

連羊咩咩都遇到

旅行期間，大家各自自由活動，姑仔發現一間用船屋做成嘅貓Shelter，佢話足足排咗45 分鐘隊至入到去睇

仔仔爸做運輸，好多時佢送貨畀人，都會遇到貓，某貨食厠所有貓B

又係貨食貓仔

唔知係住宅定Office 貓呢

某日仔仔爸送貨畀人，見人家個貨倉外有個好大間嘅貓屋，仲有好多隻貓呢，仔仔爸話間貓屋整得好正，啲人好有心思呢

某日係某貨倉，佢見到隔離架大貨櫃車司機位有隻狗仔呢，隻狗仔好似話︰望咩望，未見過狗狗揸車呀，哈哈

好多時我同仔仔爸出唐人街買餸，都會遇到舖頭貓

唐人超市貓

呢間係越南人開嘅雜貨店，之前見過佢，再想帶阿B 去睇佢，但遇唔到，又係好親人

上個星期敏姐煲咗蘋果水，叫我去佢屋企度攞，順便探吓佢隻貓威威，威威已經19 歲，有癌症好幾年，佢好叻仔呢，敏姐原本仲有一隻貓叫千千，不過幾個月前癌病走咗

有時我唔駛買餸，食完Lunch 會出去行吓，係屋企附近見到呢間賣壽司的，好得意、好好笑呢

我哋呢啲養貓嘅人，每見到貓，或有關貓得意嘅嘢，都會忍唔住要睇要Share