一放佢入籠就不停喵喵叫
去到ASPAC
見到門口停咗呢部車,呢個機構我都曾經有捐錢俾佢哋
ASPAC o既車
入到疹療室,Marble都好乖,乖乖比醫生檢查
醫生話佢啲牙好差,雖要洗牙同剝牙,但聽到佢個心臟有啲問題,話要做咗心臟檢查,要評估吓佢個心臟可唔可以接受麻醉,所以又要約個時間做心臟檢查, 約咗下個星期做檢查
走時係樓下領養部見到呢啲等家的貓
檢查完畢,話佢心臟係有啲問題,但唔算太嚴重,最好每年check一次,佢亦都可以接受麻醉,所以約咗幾日後去做剝牙,順便做埋絶育手術
當日放低佢,打算放工去接佢,阿姐打電話俾我,話Marble需要留醫一晚,所以第二日放工去接佢
接佢時,醫院方面話俾我知,佢剝咗7隻牙,仲話俾我知佢原來係男仔,已經絶咗育
Oh,因為我見唔到佢冇“啷啷”,而且見佢咁嗲,所以我一直以為佢係女仔,我一直都好希望養隻貓女,所以有啲失望囉,不過咁,帶得佢返屋企,都一定會好好愛錫
需要食止痛藥同抗生素,醫院送咗個小玩具俾佢,不過都係等佢口腔好番晒至俾佢玩
再夜少少餵咗藥,再俾啲罐罐佢食咗,就好眼瞓了
要食成個星期藥,兩個星期只可以食濕糧,依家要困房,怕佢出o黎食兩隻仔啲乾糧
希望佢今次康復後, 心臟唔好有惡化,以後健健康康
其實男仔/女仔都冇所謂啦, 都係一隻靚貓咪 ^^
回覆刪除marble 慘慘豬, 一次過剝7隻牙仔, 一定好辛苦喇, 過嚟 ee 度鍚返 \(≧3≦)/
係呀,今次都幾慘,好彩之前已經絶咗育,唔係又要捱多刀,佢前主人真係打理得佢好差,搞到佢慘,佢依家仲留緊口水,妳仲咀唔咀,哈哈
刪除我咀 <3
刪除流口水咋嘛, 有乜好怕, 照咀 (≧3≦)
刪除三個仔都好吖,兩仔一女得個嬲字;p (講笑咋)
回覆刪除Marble有仔仔家照顧,一定會健健康康,開開心心地生活 ^~^
加多隻可以開枱打麻雀呢,哈哈
刪除喺FB见到妳摆摆乌龙件事,已经即刻笑咗出嚟~
回覆刪除既然妳咁恨猫女,咁咪有籍口去追多个啰(≧∇≦)
養女o既嘢,睇緣份啦
刪除haha~marble D隱藏技術好高超連兩子之母都被騙了
回覆刪除咁我未養過女吖嗎,都唔知貓女係點o既,見佢無蛋蛋咪以為係仔囉
刪除一七剝七隻?實痛屎咯!(+_+ )
回覆刪除梗痛定啦,仲有留緊口水,傷口都未埋得晒呀陰公
刪除無蛋有無JJ丫?XD
回覆刪除應該有JJ呱,唔通特登摷佢條JJ咩
刪除好似養多個人仔一樣,要很用心機呢。
回覆刪除只要用愛,貓地係會感受到的
刪除同你地有緣係仔係女都會咁好好架。
回覆刪除你有時間黎探下我啦。
遇到佢真係講綠份o架
刪除一切隨緣啦, 只要有人愛錫就足夠, 心臟呢樣....我家姐隻貓都有心漏, 佢成日話只要貓地開心, 過得一日就一日, 唔好諗咁多~
回覆刪除我都係咁諗
刪除唔緊要啦............仔都唔錯呢~!!
回覆刪除希望 Marble 早日康復 , 做隻健健康康嘅貓咪~!!
唔知係咪自已個卜名“我家仔仔”累事呢,養親都係仔,哈哈
刪除多個仔...好吖.....
回覆刪除做晒檢查, 牙又剝埋...冇事架啦
多隻貓已經好開心,希望三仔仔以後都健健康康
刪除GIVE ME FIVE !!!
回覆刪除我地真係要擊掌 !!!
我上個月都領養左隻貓貓
我心目中又係想領養貓女
諗住同圓丸會易夾 D
但緣份比我遇到隻囝囝 ^^
佢又係岩岩上星期六去左剝牙
都剝左成5-6隻
佢本身已經好細膽, 好難得佢開始慢慢痴我
但剝完牙之後, 搞到佢而家對我好大戒心, 唉~
係呢~ ASPCA 唔係會提供貓貓資料比領養者o既咩?
點解連性別都會搞錯o既?
Marble唔係喺ASPCA度領養o架
回覆刪除http://ruby2149.blogspot.com/2014/08/17-o.html
http://ruby2149.blogspot.com/2014/09/17.html
咁妳係邊度遇到佢o架?
作者已經移除這則留言。
刪除我係o係貓義工度領養架
刪除佢係 CCCP 貓 (即絕育後要放番原地)
但佢本來條村黎左好多野狗
已經咬死過幾隻貓, 所以義工唔忍心放
機緣巧合, 我就領養左佢o勒 ^^
剝7隻牙咁多, 佢年紀好大架??哈, 連人地男定女都唔知
回覆刪除年紀應該都唔係好大,應該係佢前主人照顧得佢唔好,我初初驚佢係有貓愛滋,好彩驗血報告無事,咁我都未養過貓女,見佢無蛋蛋咪以為佢係女仔囉
刪除貓愛滋??係咪好似人個D咁樣架??點解你會懷疑嘅??無左咁多隻牙會唔會影響食野??
刪除叫"FIV", 都係免疫系統問題,之前見有貓友啲貓有呢個病,病發時會影響牙肉發炎,要剝晒啲牙,就算無晒啲牙,食嘢都無問題的,食乾糧就咬唔到,就吞囉,要換啲細粒啲糧
刪除ASPAC o既車好靚丫,佢地D貓貓都好靚,佢好似香港愛協咁喎
回覆刪除祝Marble身體健康!
咪即係美國o既愛協囉,當然希望貓地以後健健康康,佢哋唔駛受苦之餘,我個荷包又唔駛咁傷
刪除Marble仔好幸運呢!
回覆刪除遇到佢都要講時間,如果再早兩個月遇到佢,我都唔可以帶佢返屋企
刪除