Marble做剝牙手術前,我哋一返到屋企,就會打開房門比佢自由出入,只不過佢驚咗Charco仔同天師仔唔敢出o黎
試過好幾次我哋食緊晚飯,佢又會走出o黎, 嗅到餸香呢
又昅住人食嘢,昅吓有無嘢食
每日我放工返屋企,都會蒸雞胸肉俾佢同天師仔食,每次我入廚房準備蒸雞,佢就會好緊張,係廚房、廚房門口度騰來騰去,見到有得食,仲想偷食
佢就算平時幾驚Charco仔同天師仔,只要有嘢食,都變咗唔驚,仲可以一齊食
每次食完自己嗰碟,都走埋o黎睇吓天師仔食晒未,仲有無得分啲比佢
(因為天師仔要我餵,所以食得比較慢,通常Marble比多啲,天師仔會少啲,因為佢已經夠肥,唔可以食咁多)
食飽就洗手洗臉
某日阿姐買漢堡飽返o黎食,阿姐搵飽引佢,點知佢真係想食
以前Charco仔天師仔係無罐罐食,因為Charco仔只食幾啖,隔夜又唔食,唔想浪費,所以就無買,但Marble仔o黎咗就要食罐罐,所以益咗兩貓都有得食罐罐
就算一罐食唔晒,留番第二日Marble都會食埋 ,不過唔想佢食隔夜罐罐,依家都係買啲細罐裝,一罐三貓分啱啱好,有啲味Charco仔唔係太鍾意食唔晒,都一定有其他貓幫佢清碟
依家通常係朝早就派罐罐,有時朝早起身,會見到Marble仔係餐椅度等,有時係廚房度等
佢仲試過去摷垃圾筒
Charco仔都係為食貓,但佢只對零食為食,唔似得Marble仔咁,對雜食都咁為食,真係好想知道佢前主人係點養佢
太好了!終於見到三貓合照!好開心!
回覆刪除=^O^= =^皿^= =^O^=
開始好了,雖然仲未相親相愛,都算唔錯
刪除哈哈,屋企多左個洗碗工
回覆刪除Marble仔洗碟好乾淨o架,哈哈
刪除Marble仔係醒目仔!而且好快變成肥Marble ;p
回覆刪除仔仔爸都話佢重咗
刪除三位幸福小大使...
回覆刪除有罐罐食,又有零食,佢哋都算好幸福
刪除為食貓零舍得人愛.
回覆刪除貓地幾時都係咁可愛,咁得人愛
刪除为食好过揀饮择食
回覆刪除+10,為食咩都食,易養又容易教
刪除咁又係
刪除哈哈,好為食啊.....而且,仔仔媽,覺得佢好似莉莉那隻妹妹咁,吼實張飯桌....
回覆刪除不過呢marble真係會食 XDD
咁妹妹又真係乖過Marble仔囉
刪除我愛為食貓
回覆刪除為食貓、肥貓、嗲人o既貓我最愛
刪除真正為食貓
回覆刪除佢實在太為食了
刪除你唔怕佢上慣檯搵食呀?
回覆刪除我哋一直唔俾貓上枱的,依家佢只敢坐係梳化度望吓
刪除MARBLE 仔有得食就冇有怕 hahahaha~~~
回覆刪除佢為咗食可以當兩貓無到
刪除阿丸又係最中意食人口水尾
回覆刪除佢而家連貓糧都唔放過 (>.<)
狗就通常都係為食o架啦
刪除Marble會唔會為食過Charco仔佢地架?
回覆刪除平時Charco仔只對零食為食,但有時嗅到啲餸有腥味,都會埋枱嗅吓,天師仔就一啲都唔為食,就算唔俾零食佢,佢都唔會扭人要,所以Marble仔真係好為食
刪除可能佢做過街貓︳,知道揾食艱難,無咁揀飲擇食架。_
回覆刪除我就覺得佢未做過街貓,可能佢前主人都係俾雜糧佢食
刪除加多對筷啦, 唔該~哈
回覆刪除係加多個貓兜至真
刪除咁快可以同檯食飯,掂喇
回覆刪除嗅到飯餸香,唔理同人熟唔熟,驚唔驚
刪除搞掂, 三件相處滆洽....
回覆刪除都算ok啦,行過都有出手打貓呀,追貓呀咁囉
刪除