Boxer, RIP
見講開狗狗，就講吓我公司啲狗狗啦，我係呢間蔬菜批發公司都做咗十幾年，係呢十幾年間，公司都曾經養過幾隻狗狗
最先就係2006年嗰對比我唔小心害死o既姊弟DeDe、Coco
到2008年尾，我老闆有朋友比咗隻狼狗仔佢，佢叫BoBo，佢係一隻好純種o既狼狗
原本BoBo都係諗住好似以前DeDe、CoCo咁，養係office
但BoBo啲吠聲真係好大，有時連講電話都聽唔到
最後就搬佢去出面個倉度，仲要長期困籠
到2013年時，好似係公司附近啲倉舖，送咗隻狗仔比我老闆，不過呢隻狗仔比較幸運小小，最後比我老闆接咗返屋企養，改咗名叫Whiskey
Whiskey只留咗係公司幾日，頭兩日都係黐住我，因為當時我另一個同事，係唔鍾意狗的，唯有盡量放係我旁邊
第一日o黎時，放係我大髀度，佢都仲係震震震
係慢慢至開始習慣，第二日我攞咗隻公仔比佢玩
佢嗅到我啲lunch 呢
雖然Whiskey 幸運啲可以入屋養，但以我所知，佢都係要成日困籠，因為我老闆個細仔唔鍾意狗，而且無人會帶佢出街，佢只可以每日出後yard 跑吓，去大小便
到咗2014年尾，公司其中一個司機，攞咗佢隻狗媽生o既狗仔返o黎
後來又帶多隻返o黎，不過嗰隻好快就送咗去農塲度養，隻狗都養咗大半年，都好似無名字，後來比咗人，其實比咗人仲好，好過係度養，我成日覺得我老闆係度虐狗
希望以後唔好有人再比狗我老闆，我真心覺得啲狗好慘
咁順便講埋靚女阿Flo，阿Pat 8 月尾時返咗香港一個月，所以阿Pat要帶返阿Flo 返Shelter，當阿Pat 由香港返o黎時，知道阿Flo 己經比人收養咗了
阿Pat 應承咗Shelter會幫手照顧其他貓，原本Shelter 想阿Pat 照顧一隻15 歲有病，需要餵藥o既老貓，但隻貓一個星期後就病死了，聽阿Pat 講，睇吓幾時Shelter 嗰邊再安排其他貓比佢
Boxer~ RIP
回覆刪除Whiskey 入咗屋都仲要成日困籠, 好慘
其實佢哋都唔算咁有愛心，都唔知養佢o黎做咩
刪除RIP
回覆刪除好慘呀, 成日困籠, 希望你老闆唔好再接狗啦
我覺得我老闆好衰格，同虐畜無咩分別
刪除係呀, D狗狗好慘
刪除我覺得我四個仔好幸福
刪除啊....好驚....我本身好驚狗，一路睇一路驚驚地 ^^""
回覆刪除靚女阿Flo真係好靚呀，成隻公仔咁，好可愛呀 ^3^~
細狗仔都驚嗎﹖阿Pat見阿Flo比人領養咗都好sad，佢真係好鍾意阿Flo
刪除前post先第一次見boxer, 咁快就去左彩虹橋><rip!
回覆刪除你老細好恐怖!好心佢咪鬼養狗, 到佢手d狗狗好慘!
flo又靚又乖, 知佢搵到真正嘅屋企都好鄧佢開心！
我覺得我老闆好衰格，無愛心的，佢屋企後園有浣熊摷佢垃圾筒，佢打死隻浣熊，正賤人
刪除阿Flo有真正o既屋企當然係好事啦，不過阿Pat都好sad，佢真係好鍾意阿Flo
希望狗狗安息！btw成妳貴言，不要再有人送狗給妳老闆！
回覆刪除我唔想再見到有狗係我公司度出現，啲狗真係好慘
刪除人狗都係，命運影响一生，人仲可以自己改寫命運，小生命唔得😪
回覆刪除啲小生命出現係我老闆面前，都算唔好彩
刪除聽到佢地搵到好人家, 都開心D, 長期困籠, 真係好慘
回覆刪除好無人道，我平時都係間唔中買啲零食餵咗佢哋，摸吓佢哋，都做唔到啲咩，唉，我都唔想再見到有狗係我公司度出現
刪除你老細是華人？
回覆刪除係馬拉華人
刪除你老闆真係虐待動物喎
回覆刪除無人性，我覺得我老闆好衰格
刪除唉！你老闆真係.......
回覆刪除唉，我都好無奈呢
刪除睇到隻狼狗比橡筋cool 住個口 , 就知你老闆唔係一個好主人 , 好憎佢呢~!!
回覆刪除係嚇吓佢等佢唔好成日吠，其實佢好快自己抓得甩
刪除只希望佢唔好再接狗返o黎