幫人湊女

記唔記得上次阿姐返o黎執嘢，除咗同男友仔返o黎，仲有另一位男性朋友，佢係阿姐男友仔大學嘅同學，佢叫阿Wang，佢都有養貓，佢話聖誕會返香港兩個星期，佢原本打算返香港期間，搵啲鄰居去佢屋企幫手Take care，咁仔仔爸就話不如帶o黎我哋度湊啦，就係咁，聖誕前我哋就去接貓貓

呢隻貓原本係阿Wang 以前個roommate 養的，個roommate 仲有兩隻狗，因為要搬，個roommate 見貓貓都黐阿Wang，所以送咗貓貓比阿Wang，貓貓個名叫Daenerys，都幾“喬”口，所以阿Wang 平時都係叫佢做Meow Meow

我哋去到阿Wang 屋企一見Meow Meow，係隻白貓女，佢一啲都唔怕陌生人，敢埋o黎八，又比我哋摸

放佢入貓袋，帶佢走，佢係咁meow meow 叫呢

阿Wang 都跟埋我哋返屋企，佢會係我屋企住一晚，係車上面Meow Meow 都係不停咁叫，後來佢老豆哄吓佢至無叫得咁犀利

帶佢返入房，平時阿Wang 唔識打理佢，佢有好多眼水，阿Wang 都無同佢抺，又無同佢剪指甲，所以一入房仔仔爸就先同佢剪指甲，剪指甲時Meow Meow 好乖呀

我哋執埋Meow Meow 係屋企用開嘅貓砂盤、食兜、水兜同貓糧o黎，等佢容易習慣

初時有啲驚驚，匿入床底呢

Marble 仔老實唔客氣，走上床黐住阿Wang

之後趕Marble 仔出去，等Meow Meow 陪佢老豆瞓，無其他貓，Meow Meow 就係房週圍八

第二日，仔仔爸唔駛返工，中午車阿Wang 去佢阿姨屋企，仔仔爸返到屋企入房唔見Meow Meow，原來匿咗係個書櫃度

比佢出房行吓八吓

匿返入房

奇哥好好奇咁昅住佢

 又再次去八

第三日，一開房門，啲貓又走入房探吓Meow Meow

嚇屎Meow Meow 了

總知Meow Meow 一見佢哋就驚驚匿埋係床尾後面呢

聖誕朝早，平時Meow Meow 係佢屋企無罐罐食的，依家我哋一日兩餐罐罐，Meow Meow食得好滋味

差唔多清晒兜，當然要send 比佢老豆睇啦

係我嗰篇“聖誕餵貓貓”，係最後嗰張相隻聖誕貓貓，係喵喵o黎架，好似無人留意到喎

當然要send 俾佢老豆睇呢，咁可愛

我家貓地，成日係房門口昅住Meow Meow，搞到Meow Meow 都唔敢出房呢

Meow Meow 個老豆，已經係香港飛緊返o黎，聽晚或者後晚，我哋會送返Meow Meow 返佢屋企，依家諗起都有啲唔捨得