1881

呢日係o靚妹2 歲生日，中午陪姨甥女帶個衰妹去石圍角村上堂，課後我哋行去南豐中心嗰邊行街，兼去餅店睇蛋糕

行到愉景新城，我哋係D'elifrance食下午茶餐，係D'elifrance 旁邊有個大塲地比小朋友玩，個衰妹玩到嘢都唔食，唔捨得走

最後要格硬“夾”個衰妹走，最後我哋揀咗呢個生日蛋糕同靚妹慶祝

第二朝，三家姐陪姨甥兩母女去沙田，o靚妹要搞回港証，咁我就自己去食嘢又週圍行吓，搵吓舖頭貓

佢哋搭巴士係千色店附近落車，我去join 佢哋，一齊去食米線，每次經過呢間見佢門口張banner 啲相係成條魚上，所以我話要試試

到下午，我又陪佢哋一齊去仁濟醫院健康院，同o靚妹驗查，之後就去Pizza Hut 食下午茶

另一朝，o靚妹要去葵涌村某幼稚園面試，我哋上葵涌村食早餐

終於我有得揀其他嘅米粉，唔再係雪菜肉絲了

 o靚妹等面試中

之後我就出尖沙咀文化中心，約咗我二嫂同我姨甥女(四家姐個女)，我侄女婚宴嗰日，呢個姨甥女有事嚟唔到，話會私下約舅母食飯，我聽到不如到時預埋我，所以就約咗呢日，係呢間食下午茶，其實都係至在傾吓計

食完二嫂就走先，原本姨甥女都係約咗朋友係海港城食晚飯，但仲有排都未夠鐘，咁我就叫佢陪我行吓對面1881，我每次都只係經過，都未入去睇過

我好鍾意見到呢啲老樹

好多麻雀仔

行完再入去海港城行咗一陣，三家姐call 我話大家姐入咗大窩口搵佢食飯，去咗葵涌村間一粥麵食，叫我過去，而且姨甥女約朋友都差唔多時間，我就搭地鐵返大窩口

 

叫咗個羊腩煲，嘩，好羶呢，比我就無下次

食到七七八八，大家姐要先走，我送埋大家姐去搭地鐵，我真係好乖喔😆😆