這個假期

聖誕前夕前的星期日，諗唔到食咩早餐，見有Burger King coupon，就食個$5 兩人早餐

敏姐每到節日都call我話過節，成日叫我哋出去食飯，我都推咗佢好多次，見呢日聖誕假期，就約咗敏姐去試新開張間米線食Lunch

終於等到元旦前個weekend，阿姐返嚟了，Chewy 叻咗好多，佢阿娘係佢身邊經過都無避開匿埋

等佢返嚟至開飯，一邊食、一邊聽佢照顧Lucy & Taylor 嘅趣事

第二朝我煮咗個米線比阿姐做早餐，我就去洗衫，收埋衫返屋企都已經差唔多下午，我同阿姐就去食台灣嘢，我返香港前，已經同阿姐講話搵日去呢間試吓

最重要係要食呢個芋圓

之後陪阿姐去唐人超市，佢入咗好多零食

係超市見到呢個貓仔，又唔比人摸，但又唔走貓喎

見阿姐返嚟，我就提議打邊爐，買完嘢就返屋企整定個湯底，等仔仔爸收工返嚟就開檔打邊爐，見咁多嘢食，仲call 埋阿Pat 放工上嚟幫吓口食，有阿Pat 係度，當然係不停講貓經啦

 呢晚又搞到好夜至瞓，第二朝買齊嘢就出發去阿姐表姐屋企開Party

食到咁上吓，阿姐話想去Mitsuwa 買嘢比男友仔，叫埋表弟表妹去，我哋先去Mitsuwa 隔離，帶表弟表姐先睇貓，我哋一去到，咁啱見到餵貓人到咗

餵貓人仲同啲貓梳毛

野鴨你唔抵得我掛住影貓唔影你嗎

貓貓一直跟住餵貓人去貓竇嗰邊，貓竇呢度仲有好多貓貓，貓貓一見餵貓人就走出嚟，終於開餐喇

呢隻一直都好驚驚，不停匿埋，都影唔到張靚仔相

 

呢隻見佢係度飲水，無出過嚟

呢隻食飽咗，另一餵貓人比咗隻老鼠仔玩具佢玩

又另一啲貓出嚟食嘢，呢隻長毛貓好靚女呀

野鴨等貓食完走晒，就走埋去食

返轉頭又見到一黑一白貓

要嗱嗱聲去Mitsuwa 買嘢了，呢日勁多人，排隊比錢都有排等

返到阿姐表姐屋企無耐，就食埋個蛋糕大家至散band，一個蛋糕補祝我姑仔Boxing day 生日，另一個就預祝阿姐表姐個姑仔生日，兩個蛋糕都咁好味

阿姐返到屋企，send 張相比我哋知佢已經返到屋企，Macy 好似話佢阿娘肯捨得返屋企，哈哈

到咗1月1號假期，同仔仔爸去幫貓地入貨，之後去食馬拉餐，係開party 時，表姐個奶奶介紹話呢間好食